| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౮. కతమోదకతిస్ససుత్తం
8. Katamodakatissasuttaṃ
౧౭౯. సావత్థినిదానం. తేన ఖో పన సమయేన భగవా దివావిహారగతో హోతి పటిసల్లీనో. అథ ఖో సుబ్రహ్మా చ పచ్చేకబ్రహ్మా సుద్ధావాసో చ పచ్చేకబ్రహ్మా యేన భగవా తేనుపసఙ్కమింసు; ఉపసఙ్కమిత్వా పచ్చేకం ద్వారబాహం నిస్సాయ అట్ఠంసు. అథ ఖో సుద్ధావాసో పచ్చేకబ్రహ్మా కతమోదకతిస్సకం 1 భిక్ఖుం ఆరబ్భ భగవతో సన్తికే ఇమం గాథం అభాసి –
179. Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho suddhāvāso paccekabrahmā katamodakatissakaṃ 2 bhikkhuṃ ārabbha bhagavato santike imaṃ gāthaṃ abhāsi –
‘‘అప్పమేయ్యం పమినన్తో, కోధ విద్వా వికప్పయే;
‘‘Appameyyaṃ paminanto, kodha vidvā vikappaye;
అప్పమేయ్యం పమాయినం, నివుతం తం మఞ్ఞే అకిస్సవ’’న్తి.
Appameyyaṃ pamāyinaṃ, nivutaṃ taṃ maññe akissava’’nti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౮. కతమోదకతిస్ససుత్తవణ్ణనా • 8. Katamodakatissasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. కతమోదకతిస్ససుత్తవణ్ణనా • 8. Katamodakatissasuttavaṇṇanā
