| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
८. कतमोदकतिस्ससुत्तं
8. Katamodakatissasuttaṃ
१७९. सावत्थिनिदानं। तेन खो पन समयेन भगवा दिवाविहारगतो होति पटिसल्लीनो। अथ खो सुब्रह्मा च पच्चेकब्रह्मा सुद्धावासो च पच्चेकब्रह्मा येन भगवा तेनुपसङ्कमिंसु; उपसङ्कमित्वा पच्चेकं द्वारबाहं निस्साय अट्ठंसु। अथ खो सुद्धावासो पच्चेकब्रह्मा कतमोदकतिस्सकं 1 भिक्खुं आरब्भ भगवतो सन्तिके इमं गाथं अभासि –
179. Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho suddhāvāso paccekabrahmā katamodakatissakaṃ 2 bhikkhuṃ ārabbha bhagavato santike imaṃ gāthaṃ abhāsi –
‘‘अप्पमेय्यं पमिनन्तो, कोध विद्वा विकप्पये।
‘‘Appameyyaṃ paminanto, kodha vidvā vikappaye;
अप्पमेय्यं पमायिनं, निवुतं तं मञ्ञे अकिस्सव’’न्ति॥
Appameyyaṃ pamāyinaṃ, nivutaṃ taṃ maññe akissava’’nti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. कतमोदकतिस्ससुत्तवण्णना • 8. Katamodakatissasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ८. कतमोदकतिस्ससुत्तवण्णना • 8. Katamodakatissasuttavaṇṇanā
