| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. கடச்சு²பி⁴க்கா²தா³யிகாதே²ரீஅபதா³னங்
7. Kaṭacchubhikkhādāyikātherīapadānaṃ
60.
60.
‘‘பிண்ட³சாரங் சரந்தஸ்ஸ, திஸ்ஸனாமஸ்ஸ ஸத்து²னோ;
‘‘Piṇḍacāraṃ carantassa, tissanāmassa satthuno;
கடச்சு²பி⁴க்க²ங் பக்³க³ய்ஹ, பு³த்³த⁴ஸெட்ட²ஸ்ஸ தா³ஸஹங்.
Kaṭacchubhikkhaṃ paggayha, buddhaseṭṭhassa dāsahaṃ.
61.
61.
‘‘படிக்³க³ஹெத்வா ஸம்பு³த்³தோ⁴, திஸ்ஸோ லோகக்³க³னாயகோ;
‘‘Paṭiggahetvā sambuddho, tisso lokagganāyako;
வீதி²யா ஸண்டி²தோ ஸத்தா², அகா மே அனுமோத³னங்.
Vīthiyā saṇṭhito satthā, akā me anumodanaṃ.
62.
62.
‘‘‘கடச்சு²பி⁴க்க²ங் த³த்வான, தாவதிங்ஸங் க³மிஸ்ஸஸி;
‘‘‘Kaṭacchubhikkhaṃ datvāna, tāvatiṃsaṃ gamissasi;
ச²த்திங்ஸதே³வராஜூனங், மஹேஸித்தங் கரிஸ்ஸஸி.
Chattiṃsadevarājūnaṃ, mahesittaṃ karissasi.
63.
63.
‘‘‘பஞ்ஞாஸங் சக்கவத்தீனங், மஹேஸித்தங் கரிஸ்ஸஸி;
‘‘‘Paññāsaṃ cakkavattīnaṃ, mahesittaṃ karissasi;
மனஸா பத்தி²தங் ஸப்³ப³ங், படிலச்ச²ஸி ஸப்³ப³தா³.
Manasā patthitaṃ sabbaṃ, paṭilacchasi sabbadā.
64.
64.
‘‘‘ஸம்பத்திங் அனுபொ⁴த்வான, பப்³ப³ஜிஸ்ஸஸிகிஞ்சனா;
‘‘‘Sampattiṃ anubhotvāna, pabbajissasikiñcanā;
ஸப்³பா³ஸவே பரிஞ்ஞாய, நிப்³பா³யிஸ்ஸஸினாஸவா’.
Sabbāsave pariññāya, nibbāyissasināsavā’.
65.
65.
‘‘இத³ங் வத்வான ஸம்பு³த்³தோ⁴, திஸ்ஸோ லோகக்³க³னாயகோ;
‘‘Idaṃ vatvāna sambuddho, tisso lokagganāyako;
நப⁴ங் அப்³பு⁴க்³க³மீ வீரோ, ஹங்ஸராஜாவ அம்ப³ரே.
Nabhaṃ abbhuggamī vīro, haṃsarājāva ambare.
66.
66.
கடச்சு²பி⁴க்க²ங் த³த்வான, பத்தாஹங் அசலங் பத³ங்.
Kaṭacchubhikkhaṃ datvāna, pattāhaṃ acalaṃ padaṃ.
67.
67.
‘‘த்³வேனவுதே இதோ கப்பே, யங் தா³னமத³தி³ங் ததா³;
‘‘Dvenavute ito kappe, yaṃ dānamadadiṃ tadā;
து³க்³க³திங் நாபி⁴ஜானாமி, பி⁴க்கா²தா³னஸ்ஸித³ங் ப²லங்.
Duggatiṃ nābhijānāmi, bhikkhādānassidaṃ phalaṃ.
68.
68.
‘‘கிலேஸா ஜா²பிதா மய்ஹங்…பே॰… விஹராமி அனாஸவா.
‘‘Kilesā jhāpitā mayhaṃ…pe… viharāmi anāsavā.
69.
69.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
70.
70.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் கடச்சு²பி⁴க்கா²தா³யிகா பி⁴க்கு²னீ இமா கா³தா²யோ அபா⁴ஸித்தா²தி.
Itthaṃ sudaṃ kaṭacchubhikkhādāyikā bhikkhunī imā gāthāyo abhāsitthāti.
கடச்சு²பி⁴க்கா²தா³யிகாதே²ரியாபதா³னங் ஸத்தமங்.
Kaṭacchubhikkhādāyikātheriyāpadānaṃ sattamaṃ.
Footnotes:
