| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
੯. ਚਮ੍ਪੇਯ੍ਯਕ੍ਖਨ੍ਧਕਂ
9. Campeyyakkhandhakaṃ
ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾ
Kassapagottabhikkhuvatthukathā
੩੮੦. ਚਮ੍ਪੇਯ੍ਯਕ੍ਖਨ੍ਧਕੇ – ਗਗ੍ਗਰਾਯ ਪੋਕ੍ਖਰਣਿਯਾ ਤੀਰੇਤਿ ਗਗ੍ਗਰਾਨਾਮਿਕਾਯ ਇਤ੍ਥਿਯਾ ਕਾਰਿਤਪੋਕ੍ਖਰਣਿਯਾ ਤੀਰੇ। ਤਨ੍ਤਿਬਦ੍ਧੋਤਿ ਤਸ੍ਮਿਂ ਆવਾਸੇ ਕਤ੍ਤਬ੍ਬਤਾਤਨ੍ਤਿਪਟਿਬਦ੍ਧੋ। ਉਸ੍ਸੁਕ੍ਕਮ੍ਪਿ ਅਕਾਸਿ ਯਾਗੁਯਾਤਿਆਦੀਸੁ ਮਨੁਸ੍ਸੇਹਿ ਆਗਨ੍ਤੁਕੇਸੁ ਆਗਤੇਸੁ ਆਚਿਕ੍ਖੇਯ੍ਯਾਥਾਤਿ વੁਤ੍ਤਟ੍ਠਾਨੇਯੇવ ਉਸ੍ਸੁਕ੍ਕਂ ਕਾਤੁਂ વਟ੍ਟਤਿ; ਨ ਅવੁਤ੍ਤਟ੍ਠਾਨੇ। ਗਚ੍ਛ ਤ੍વਂ ਭਿਕ੍ਖੂਤਿ ਸਤ੍ਥਾ ਤਸ੍ਸ ਭਿਕ੍ਖੁਨੋ ਤਤ੍ਥੇવ ਸੇਨਾਸਨਂ ਸਪ੍ਪਾਯਨ੍ਤਿ ਅਦ੍ਦਸ, ਤੇਨੇવਮਾਹ।
380. Campeyyakkhandhake – gaggarāya pokkharaṇiyā tīreti gaggarānāmikāya itthiyā kāritapokkharaṇiyā tīre. Tantibaddhoti tasmiṃ āvāse kattabbatātantipaṭibaddho. Ussukkampi akāsi yāguyātiādīsu manussehi āgantukesu āgatesu ācikkheyyāthāti vuttaṭṭhāneyeva ussukkaṃ kātuṃ vaṭṭati; na avuttaṭṭhāne. Gaccha tvaṃ bhikkhūti satthā tassa bhikkhuno tattheva senāsanaṃ sappāyanti addasa, tenevamāha.
੩੮੨. ਅਧਮ੍ਮੇਨ વਗ੍ਗਕਮ੍ਮਂ ਕਰੋਨ੍ਤੀਤਿਆਦੀਨਂ ਪਰਤੋ ਪਾਲ਼ਿਯਂਯੇવ ਨਾਨਾਕਰਣਂ ਆਗਮਿਸ੍ਸਤਿ।
382.Adhammena vaggakammaṃ karontītiādīnaṃ parato pāḷiyaṃyeva nānākaraṇaṃ āgamissati.
੩੮੫. ਅਞ੍ਞਤ੍ਰਾਪਿ ਧਮ੍ਮਾ ਕਮ੍ਮਂ ਕਰੋਨ੍ਤੀਤਿ ਅਞ੍ਞਤ੍ਰਾਪਿ ਧਮ੍ਮਂ ਕਮ੍ਮਂ ਕਰੋਨ੍ਤਿ, ਅਯਮੇવ વਾ ਪਾਠੋ। ਭੂਤੇਨ વਤ੍ਥੁਨਾ ਕਤਂ ਧਮ੍ਮੇਨ ਕਤਂ ਨਾਮ ਹੋਤਿ, ਤਥਾ ਨ ਕਰੋਨ੍ਤੀਤਿ ਅਤ੍ਥੋ। ਅਞ੍ਞਤ੍ਰਾਪਿ વਿਨਯਾ ਕਮ੍ਮਂ, ਅਞ੍ਞਤ੍ਰਾਪਿ ਸਤ੍ਥੁਸਾਸਨਾ ਕਮ੍ਮਨ੍ਤਿ ਏਤੇਸੁਪਿ ਏਸੇવ ਨਯੋ। ਏਤ੍ਥ ਪਨ વਿਨਯੋਤਿ ਚੋਦਨਾ ਚ ਸਾਰਣਾ ਚ। ਸਤ੍ਥੁਸਾਸਨਨ੍ਤਿ ਞਤ੍ਤਿਸਮ੍ਪਦਾ ਅਨੁਸ੍ਸਾવਨਸਮ੍ਪਦਾ ਚ; ਤਾਹਿ વਿਨਾ ਕਮ੍ਮਂ ਕਰੋਨ੍ਤੀਤਿ ਅਤ੍ਥੋ। ਪਟਿਕੁਟ੍ਠਕਤਨ੍ਤਿ ਪਟਿਕੁਟ੍ਠਞ੍ਚੇવ ਕਤਞ੍ਚ; ਯਂ ਅਞ੍ਞੇਸੁ ਪਟਿਕ੍ਕੋਸਨ੍ਤੇਸੁ ਕਤਂ ਤਂ ਪਟਿਕੁਟ੍ਠਞ੍ਚੇવ ਹੋਤਿ ਕਤਞ੍ਚ; ਤਾਦਿਸਮ੍ਪਿ ਕਮ੍ਮਂ ਕਰੋਨ੍ਤੀਤਿ ਅਤ੍ਥੋ।
385.Aññatrāpi dhammā kammaṃ karontīti aññatrāpi dhammaṃ kammaṃ karonti, ayameva vā pāṭho. Bhūtena vatthunā kataṃ dhammena kataṃ nāma hoti, tathā na karontīti attho. Aññatrāpi vinayā kammaṃ, aññatrāpi satthusāsanā kammanti etesupi eseva nayo. Ettha pana vinayoti codanā ca sāraṇā ca. Satthusāsananti ñattisampadā anussāvanasampadā ca; tāhi vinā kammaṃ karontīti attho. Paṭikuṭṭhakatanti paṭikuṭṭhañceva katañca; yaṃ aññesu paṭikkosantesu kataṃ taṃ paṭikuṭṭhañceva hoti katañca; tādisampi kammaṃ karontīti attho.
੩੮੭. ਛਯਿਮਾਨਿ ਭਿਕ੍ਖવੇ ਕਮ੍ਮਾਨਿ ਅਧਮ੍ਮਕਮ੍ਮਨ੍ਤਿਆਦੀਸੁ ਪਨ ‘‘ਧਮ੍ਮੋ’’ਤਿ ਪਾਲ਼ਿਯਾ ਅਧਿવਚਨਂ। ਤਸ੍ਮਾ ਯਂ ਯਥਾવੁਤ੍ਤਾਯ ਪਾਲ਼ਿਯਾ ਨ ਕਰਿਯਤਿ, ਤਂ ਅਧਮ੍ਮਕਮ੍ਮਨ੍ਤਿ વੇਦਿਤਬ੍ਬਂ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰੋ ਪਨ ਪਾਲ਼ਿਯਂਯੇવ ਆਗਤੋ। ਸੋ ਚ ਖੋ ਞਤ੍ਤਿਦੁਤਿਯਞਤ੍ਤਿਚਤੁਤ੍ਥਕਮ੍ਮਾਨਂਯੇવ વਸੇਨ। ਯਸ੍ਮਾ ਪਨ ਞਤ੍ਤਿਕਮ੍ਮੇ ਞਤ੍ਤਿਦੁਤਿਯਞਤ੍ਤਿਚਤੁਤ੍ਥੇਸੁ વਿਯ ਹਾਪਨਂ વਾ ਅਞ੍ਞਥਾ ਕਰਣਂ વਾ ਨਤ੍ਥਿ, ਅਪਲੋਕਨਕਮ੍ਮਞ੍ਚ ਸਾવੇਤ੍વਾવ ਕਰਿਯਤਿ, ਤਸ੍ਮਾ ਤਾਨਿ ਪਾਲ਼ਿਯਂ ਨ ਦਸ੍ਸਿਤਾਨਿ, ਤੇਸਂ ਸਬ੍ਬੇਸਮ੍ਪਿ ਕਮ੍ਮਾਨਂ વਿਨਿਚ੍ਛਯਂ ਪਰਤੋ વਣ੍ਣਯਿਸ੍ਸਾਮ।
387.Chayimāni bhikkhave kammāni adhammakammantiādīsu pana ‘‘dhammo’’ti pāḷiyā adhivacanaṃ. Tasmā yaṃ yathāvuttāya pāḷiyā na kariyati, taṃ adhammakammanti veditabbaṃ. Ayamettha saṅkhepo, vitthāro pana pāḷiyaṃyeva āgato. So ca kho ñattidutiyañatticatutthakammānaṃyeva vasena. Yasmā pana ñattikamme ñattidutiyañatticatutthesu viya hāpanaṃ vā aññathā karaṇaṃ vā natthi, apalokanakammañca sāvetvāva kariyati, tasmā tāni pāḷiyaṃ na dassitāni, tesaṃ sabbesampi kammānaṃ vinicchayaṃ parato vaṇṇayissāma.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੨੩੪. ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁ • 234. Kassapagottabhikkhuvatthu
੨੩੫. ਅਧਮ੍ਮੇਨ વਗ੍ਗਾਦਿਕਮ੍ਮਕਥਾ • 235. Adhammena vaggādikammakathā
੨੩੬. ਞਤ੍ਤਿવਿਪਨ੍ਨਕਮ੍ਮਾਦਿਕਥਾ • 236. Ñattivipannakammādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾવਣ੍ਣਨਾ • Kassapagottabhikkhuvatthukathāvaṇṇanā
ਞਤ੍ਤਿવਿਪਨ੍ਨਕਮ੍ਮਾਦਿਕਥਾવਣ੍ਣਨਾ • Ñattivipannakammādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾਦਿવਣ੍ਣਨਾ • Kassapagottabhikkhuvatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੨੩੪. ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾ • 234. Kassapagottabhikkhuvatthukathā
੨੩੬. ਞਤ੍ਤਿવਿਪਨ੍ਨਕਮ੍ਮਾਦਿਕਥਾ • 236. Ñattivipannakammādikathā
