| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૩. કરુણાકથાવણ્ણના
3. Karuṇākathāvaṇṇanā
૮૦૭-૮૦૮. ઇદાનિ કરુણાકથા નામ હોતિ. તત્થ પિયાયિતાનં વત્થૂનં વિપત્તિયા સરાગાનં રાગવસેન કરુણાપતિરૂપિકં પવત્તિં દિસ્વા ‘‘રાગોવ કરુણા નામ, સો ચ ભગવતો નત્થિ, તસ્મા નત્થિ બુદ્ધસ્સ ભગવતો કરુણા’’તિ યેસં લદ્ધિ, સેય્યથાપિ ઉત્તરાપથકાનં; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘કરુણા નામેસા નિક્કિલેસતાય ચેવ સત્તારમ્મણતાય ચ ચેતોવિમુત્તિતાય ચ એકાદસાનિસંસતાય ચ મેત્તાદીહિ સમાનજાતિકા, તસ્મા યદિ ભગવતો કરુણા નત્થિ, મેત્તાદયોપિસ્સ ન સિયુ’’ન્તિ ચોદનત્થં નત્થિ બુદ્ધસ્સ ભગવતો મેત્તાતિઆદિમાહ. આકારુણિકોતિ પઞ્હે તથારૂપં વોહારં અપસ્સન્તો પટિક્ખિપતિ. સેસમેત્થ ઉત્તાનત્થમેવાતિ.
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
કરુણાકથાવણ્ણના.
Karuṇākathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૭૯) ૩. કરુણાકથા • (179) 3. Karuṇākathā
