| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
179. габбияабхуумиануж̇аананагат̇аа
179. Kappiyabhūmianujānanakathā
295. б̣ахаараамагодтагзд̇и зд̇т̇а самийбад̇т̇з бхуммаважананд̇и ааха ‘‘б̣ахаараамагодтагасамийбзд̇и аараамагодтагасса б̣ахи самийбзд̇и ад̇т̇о’’д̇и. ажчанд̇ийд̇и васанд̇и. зд̇анд̇и ‘‘бажжанд̇има’’нд̇и зд̇ам̣ важанам̣. д̇хуравихааробийд̇и бад̇хаанавихаароби. д̇ад̇т̇а д̇ад̇т̇аад̇и д̇асмим̣ д̇асмим̣ таанз. анубаг̇зязваад̇и баад̇оязва. оравасад̣̇д̣̇анд̇и ужжаравасан̇каад̇ам̣ сад̣̇д̣̇ам̣. габиласуд̇д̇абарияосаанзд̇и суд̇д̇анибаад̇з (су. ни. адта. 2.габиласуд̇д̇аван̣н̣анаа) сан̇г̇ахид̇асса габиласуд̇д̇асса барияосаанз. бан̃жасад̇аанам̣ гзваддабурисаананд̇и самб̣анд̇хо.
295.Bahārāmakoṭṭhaketi ettha samīpatthe bhummavacananti āha ‘‘bahārāmakoṭṭhakasamīpeti ārāmakoṭṭhakassa bahi samīpeti attho’’ti. Acchantīti vasanti. Etanti ‘‘paccantima’’nti etaṃ vacanaṃ. Dhuravihāropīti padhānavihāropi. Tattha tatthāti tasmiṃ tasmiṃ ṭhāne. Anupageyevāti pātoyeva. Oravasaddanti uccaravasaṅkhātaṃ saddaṃ. Kapilasuttapariyosāneti suttanipāte (su. ni. aṭṭha. 2.kapilasuttavaṇṇanā) saṅgahitassa kapilasuttassa pariyosāne. Pañcasatānaṃ kevaṭṭapurisānanti sambandho.
уссаавананд̇игаад̣̇ийсу звам̣ винижчаяо взд̣̇ид̇аб̣б̣од̇и яож̇анаа. яо вихааро гарияад̇ийд̇и самб̣анд̇хо. бхуумияаа г̇ад̇и вияа г̇ад̇и зд̇зсанд̇и бхуумиг̇ад̇игаа. бад̇идтаабзнд̇зхи б̣ахуухи бхигкуухи бад̇идтаабзд̇аб̣б̣од̇и самб̣анд̇хо. нижчаарзнд̇зхи бхигкуухийд̇и яож̇анаа. саяанд̇и бхигку. д̇ам̣ банаад̇и ‘‘сан̇гхасса габбияагудим̣ ад̇хидтаамий’’д̇и важанам̣ бана. авад̇ваабийд̇и бисад̣̇д̣̇о д̇ат̇аа ‘‘вад̇ваабий’’д̇и ад̇т̇ам̣ самбин̣д̣зд̇и. адтагат̇аасууд̇и махааадтагат̇аад̣̇ийсу д̇ийсу адтагат̇аасу. зд̇т̇аад̇и уссаавананд̇игагудияам̣. ‘‘самагаалам̣ ваддад̇ий’’д̇и важанам̣ д̣̇ал̣хийгаронд̇о ааха ‘‘сажз хий’’д̇иаад̣̇и. важанзд̇и ‘‘габбияагудим̣ гаромаа’’д̇и важанз. д̇асминд̇и т̇амбхз. д̇знзваад̇и агад̇абхаавзнзва. хийд̇и сажжам̣. зд̇т̇аад̇и б̣ахуусу.
Ussāvanantikādīsu evaṃ vinicchayo veditabboti yojanā. Yo vihāro kariyatīti sambandho. Bhūmiyā gati viya gati etesanti bhūmigatikā. Patiṭṭhāpentehi bahūhi bhikkhūhi patiṭṭhāpetabboti sambandho. Nicchārentehi bhikkhūhīti yojanā. Sayanti bhikkhu. Taṃ panāti ‘‘saṅghassa kappiyakuṭiṃ adhiṭṭhāmī’’ti vacanaṃ pana. Avatvāpīti pisaddo tathā ‘‘vatvāpī’’ti atthaṃ sampiṇḍeti. Aṭṭhakathāsūti mahāaṭṭhakathādīsu tīsu aṭṭhakathāsu. Etthāti ussāvanantikakuṭiyaṃ. ‘‘Samakālaṃ vaṭṭatī’’ti vacanaṃ daḷhīkaronto āha ‘‘sace hī’’tiādi. Vacaneti ‘‘kappiyakuṭiṃ karomā’’ti vacane. Tasminti thambhe. Tenevāti akatabhāveneva. Hīti saccaṃ. Etthāti bahūsu.
яад̇од̇и идтагасилаамад̇д̇игаабин̣д̣ад̇о. вуд̇д̇анаязнзваад̇и ‘‘б̣ахуухи самбариваарзд̇ваа габбияагудим̣ гаромаа’’д̇и вуд̇д̇анаязнзва. идтагаад̣̇аяод̇и ‘‘габбияагудим̣ гаромаа’’д̇и ад̇хидтаад̇аб̣б̣аидтагаад̣̇аяо. анд̇хагадтагат̇ааяам̣ вуд̇д̇анд̇и самб̣анд̇хо. д̇ат̇аад̇и яат̇аа анд̇хагадтагат̇ааяам̣ вуд̇д̇ам̣, д̇ат̇аа. т̇амбхаад̣̇ийни угкибид̇ваа бад̇идтаабанан̃жа ‘‘габбияагудим̣ гаромаа’’д̇и сааванан̃жа анд̇ам̣ барияосаанамзд̇иссаад̇и уссаавананд̇игаа.
Yatoti iṭṭhakasilāmattikāpiṇḍato. Vuttanayenevāti ‘‘bahūhi samparivāretvā kappiyakuṭiṃ karomā’’ti vuttanayeneva. Iṭṭhakādayoti ‘‘kappiyakuṭiṃ karomā’’ti adhiṭṭhātabbaiṭṭhakādayo. Andhakaṭṭhakathāyaṃ vuttanti sambandho. Tathāti yathā andhakaṭṭhakathāyaṃ vuttaṃ, tathā. Thambhādīni ukkhipitvā patiṭṭhāpanañca ‘‘kappiyakuṭiṃ karomā’’ti sāvanañca antaṃ pariyosānametissāti ussāvanantikā.
д̇аасууд̇и д̣̇вийсу г̇онисаад̣̇игаасу. яад̇т̇аад̇и гудияам̣. нзва аараамо баригкид̇д̇о ход̇ийд̇и самб̣анд̇хо. буна яад̇т̇аад̇и гудияам̣. аяанд̇и гуди. убхаяад̇т̇аабийд̇и аараамавихаараг̇онисаад̣̇игаасу д̣̇вийсуби. б̣ахуд̇арам̣ баригкид̇д̇оби баригкид̇д̇оязва наамаад̇и яож̇анаа. зд̇т̇аад̇и убад̣дхабаригкид̇д̇аб̣ахуд̇арабаригкид̇д̇ааараамз. г̇ааво бависид̇ваа яат̇аасукам̣ нисийд̣̇анд̇и зд̇т̇аад̇и г̇онисаад̣̇аа г̇осаалаа. г̇онисаад̣̇аа вияаад̇и г̇онисаад̣̇игаа гуди.
Tāsūti dvīsu gonisādikāsu. Yatthāti kuṭiyaṃ. Neva ārāmo parikkhitto hotīti sambandho. Puna yatthāti kuṭiyaṃ. Ayanti kuṭi. Ubhayatthāpīti ārāmavihāragonisādikāsu dvīsupi. Bahutaraṃ parikkhittopi parikkhittoyeva nāmāti yojanā. Etthāti upaḍḍhaparikkhittabahutaraparikkhittaārāme. Gāvo pavisitvā yathāsukhaṃ nisīdanti etthāti gonisādā gosālā. Gonisādā viyāti gonisādikā kuṭi.
мануссаа вад̣̇анд̇ийд̇и самб̣анд̇хо. зсаад̇и гуди. вуд̇д̇збийд̇и бисад̣̇д̣̇з, ‘‘габбияагудим̣ д̣̇змаа’’д̇и ваагяам̣ абзгкад̇и. анд̇хагадтагат̇ааяам̣ вуд̇д̇анд̇и самб̣анд̇хо. яасмаа ваддад̇и, д̇асмаад̇и яож̇анаа. д̇зсанд̇и сзсасахад̇хаммигад̣̇звамануссаанам̣. д̇зхийд̇и сзсасахад̇хаммигад̣̇звамануссзхи. бунаби вуд̇д̇ам̣, гим̣ вуд̇д̇анд̇и ааха ‘‘бхигкусса…бз… ход̇ий’’д̇и. абийд̇и д̇ад̣̇ан̃н̃зсам̣. д̇анд̇и важанам̣. хийд̇и сажжам̣, яасмаа ваа. сан̇гхасса санд̇агамзва ваа бхигкусса санд̇агамзва ваад̇и яож̇анаа. ид̇и д̇асмаа сувуд̇д̇анд̇и самб̣анд̇хо. г̇ахабад̇ийнам̣ санд̇агам̣ г̇ахабад̇и гуди. ‘‘гаммаваажам̣ саавзд̇ваа’’д̇и ид̣̇ам̣ убалагкан̣амад̇д̇ам̣ гаммаваажамавад̇ваа абалоганзнаби габбияад̇д̇аа. гаммаваажааяа ваа абалоганзна ваа самманид̇аб̣б̣аад̇и саммуд̇и гуди. ид̇исад̣̇д̣̇о барисамаабанад̇т̇о.
Manussā vadantīti sambandho. Esāti kuṭi. Vuttepīti pisadde, ‘‘kappiyakuṭiṃ demā’’ti vākyaṃ apekkhati. Andhakaṭṭhakathāyaṃ vuttanti sambandho. Yasmā vaṭṭati, tasmāti yojanā. Tesanti sesasahadhammikadevamanussānaṃ. Tehīti sesasahadhammikadevamanussehi. Punapi vuttaṃ, kiṃ vuttanti āha ‘‘bhikkhussa…pe… hotī’’ti. Apīti tadaññesaṃ. Tanti vacanaṃ. Hīti saccaṃ, yasmā vā. Saṅghassa santakameva vā bhikkhussa santakameva vāti yojanā. Iti tasmā suvuttanti sambandho. Gahapatīnaṃ santakaṃ gahapati kuṭi. ‘‘Kammavācaṃ sāvetvā’’ti idaṃ upalakkhaṇamattaṃ kammavācamavatvā apalokanenapi kappiyattā. Kammavācāya vā apalokanena vā sammanitabbāti sammuti kuṭi. Itisaddo parisamāpanattho.
яам̣ аамисам̣ вуд̇т̇ам̣, саб̣б̣ам̣ д̇ам̣ аамисанд̇ияож̇анаа. агаббияабхуумияам̣ сахасзяяабахонагз г̇зхз вуд̇т̇ам̣ табид̇анд̇и самб̣анд̇хо. яам̣ бана сан̇гхигам̣ ваа буг̇г̇алигам̣ ваа ад̇т̇ийд̇и яож̇анаа. д̇зсам̣язваад̇и бхигкубхигкунийнамзва . згарад̇д̇амби табид̇ам̣ яам̣ санд̇агам̣ ад̇т̇ийд̇и яож̇анаа. д̇анд̇и сан̇гхигаад̣̇и. д̇ад̇т̇аад̇и агаббияабхуумияам̣ сахасзяяабахонагаг̇зхз. зд̇анд̇и анд̇овуд̇т̇аанд̇обаггасан̇каад̇ам̣ яааваяаамагаалигам̣, ‘‘на габбад̇ий’’д̇и б̣яад̇ирзгасса анваяам̣ д̣̇ассзнд̇о ааха ‘‘сад̇д̇аахагаалигам̣ банаа’’д̇иаад̣̇и.
Yaṃ āmisaṃ vutthaṃ, sabbaṃ taṃ āmisantiyojanā. Akappiyabhūmiyaṃ sahaseyyapahonake gehe vutthaṃ ṭhapitanti sambandho. Yaṃ pana saṅghikaṃ vā puggalikaṃ vā atthīti yojanā. Tesaṃyevāti bhikkhubhikkhunīnameva . Ekarattampi ṭhapitaṃ yaṃ santakaṃ atthīti yojanā. Tanti saṅghikādi. Tatthāti akappiyabhūmiyaṃ sahaseyyapahonakagehe. Etanti antovutthaantopakkasaṅkhātaṃ yāvayāmakālikaṃ, ‘‘na kappatī’’ti byatirekassa anvayaṃ dassento āha ‘‘sattāhakālikaṃ panā’’tiādi.
д̇ад̇раад̇и буримаважанаабзгкам̣. д̇ад̇ра важанзд̇и хи ад̇т̇о. сааман̣зро д̣̇зд̇ийд̇и самб̣анд̇хо. яам̣гин̃жи д̇ан̣д̣улаад̣̇игам̣ аамисанд̇и яож̇анаа. мукасаннид̇хи наамаад̇и аабад̇д̇ияаа муко убааяо саннид̇хи наамаад̇и ад̇т̇о. д̇ад̇т̇аад̇и махаабажжарияам̣, мукасаннид̇хианд̇овуд̇т̇зсу ваа. бхигку бажид̇ваа барибхун̃ж̇ад̇ийд̇и самб̣анд̇хо. аамисасам̣садтанд̇и аамисзна сам̣саг̇г̇ам̣.
Tatrāti purimavacanāpekkhaṃ. Tatra vacaneti hi attho. Sāmaṇero detīti sambandho. Yaṃkiñci taṇḍulādikaṃ āmisanti yojanā. Mukhasannidhi nāmāti āpattiyā mukho upāyo sannidhi nāmāti attho. Tatthāti mahāpaccariyaṃ, mukhasannidhiantovutthesu vā. Bhikkhu pacitvā paribhuñjatīti sambandho. Āmisasaṃsaṭṭhanti āmisena saṃsaggaṃ.
ж̇ахид̇авад̇т̇угаад̇и ж̇ахид̇ам̣ вад̇т̇у зд̇аасанд̇и ж̇ахид̇авад̇т̇угаа. уссаавананд̇игаа гад̇аад̇и самб̣анд̇хо. саад̇и уссаавананд̇игаа. яо яод̇и т̇амбхо ваа бхид̇д̇ибаад̣̇о ваа. идтагаад̣̇ийхи гад̇аа уссаавананд̇игаад̇и яож̇анаа. жаяассаад̇и ад̇хидтаанасса. язхи бана идтагаад̣̇ийхийд̇иаад̣̇исад̣̇д̣̇зна т̇амбхасилаамад̇д̇игааяо сан̇г̇ан̣хаад̇и. д̇ад̣̇ан̃н̃зсууд̇и д̇зхи ад̇хидтид̇аидтагаад̣̇ийхи ан̃н̃зсу.
Jahitavatthukāti jahitaṃ vatthu etāsanti jahitavatthukā. Ussāvanantikā katāti sambandho. Sāti ussāvanantikā. Yo yoti thambho vā bhittipādo vā. Iṭṭhakādīhi katā ussāvanantikāti yojanā. Cayassāti adhiṭṭhānassa. Yehi pana iṭṭhakādīhītiādisaddena thambhasilāmattikāyo saṅgaṇhāti. Tadaññesūti tehi adhiṭṭhitaiṭṭhakādīhi aññesu.
баагаараад̣̇ибаригкзбзд̇и убажаарасиймаабарижчиннасса аараамасса баагаараад̣̇инаа баригкзбз гад̇з. баагаараад̣̇ийд̇и аад̣̇исад̣̇д̣̇зна вад̇им̣ сан̇г̇ан̣хаад̇и. габбияагудим̣ лад̣̇д̇хум̣ ваддад̇ийд̇и г̇онисаад̣̇игааяа абхаавзна сзсаасу д̇ийсу габбияагудийсу яам̣гин̃жи габбияагудим̣ лад̣̇д̇хум̣ ваддад̇ийд̇и ад̇т̇о. д̇ад̇т̇а д̇ад̇т̇аад̇и д̇асмим̣ д̇асмим̣ таанз. ид̇араа банаад̇и уссаавананд̇игаг̇онисаад̣̇игаахи ан̃н̃аа. д̣̇взд̇и убхо г̇ахабад̇исаммуд̇ияо, ж̇ахид̇авад̇т̇угаава хонд̇ийд̇и самб̣анд̇хо. багкабаасагаман̣д̣аланд̇и д̣̇вз багкз абад̇анад̇т̇ааяа басад̇и б̣анд̇хад̇ийд̇и багкабаасаго, ман̣д̣аланд̇и чад̣̇анагодиг̇обаанасийнам̣ убари табид̇агадтависзсо, багкабаасаго жа ман̣д̣алан̃жа багкабаасагаман̣д̣алам̣.
Pākārādiparikkhepeti upacārasīmāparicchinnassa ārāmassa pākārādinā parikkhepe kate. Pākārādīti ādisaddena vatiṃ saṅgaṇhāti. Kappiyakuṭiṃ laddhuṃ vaṭṭatīti gonisādikāya abhāvena sesāsu tīsu kappiyakuṭīsu yaṃkiñci kappiyakuṭiṃ laddhuṃ vaṭṭatīti attho. Tattha tatthāti tasmiṃ tasmiṃ ṭhāne. Itarā panāti ussāvanantikagonisādikāhi aññā. Dveti ubho gahapatisammutiyo, jahitavatthukāva hontīti sambandho. Pakkhapāsakamaṇḍalanti dve pakkhe apatanatthāya pasati bandhatīti pakkhapāsako, maṇḍalanti chadanakoṭigopānasīnaṃ upari ṭhapitakaṭṭhaviseso, pakkhapāsako ca maṇḍalañca pakkhapāsakamaṇḍalaṃ.
яад̇раад̇и яасмим̣ таанз. анубасамбаннасса д̣̇ад̇ваад̇и анабзгкависсаж̇ж̇анзна анубасамбаннасса д̣̇ад̇ваа. жийваравигаббанам̣ вияа саабзгкависсаж̇ж̇анамби ваддад̇ийд̇и вад̣̇анд̇и. д̇ад̇раад̇и буримаважанаабзгкам̣. сод̇и гаравийгад̇иссад̇т̇зро, бассид̇ваа бужчийд̇и самб̣анд̇хо. т̇зрод̇и махаасивад̇т̇зро. луукад̣̇ивасзд̇и асинид̣̇д̇хад̣̇ивасз. д̇ад̇од̇и б̣раванад̇о, баранд̇и самб̣анд̇хо. нанд̇и махаасивад̇т̇зрам̣. бамукзд̇и г̇аб̣бхасса бамукз. д̇анд̇и саб̣б̣игумбхим̣. б̣ахийд̇и вихаарасса б̣ахи. сод̇и махаасивад̇т̇зро.
Yatrāti yasmiṃ ṭhāne. Anupasampannassa datvāti anapekkhavissajjanena anupasampannassa datvā. Cīvaravikappanaṃ viya sāpekkhavissajjanampi vaṭṭatīti vadanti. Tatrāti purimavacanāpekkhaṃ. Soti karavīkatissatthero, passitvā pucchīti sambandho. Theroti mahāsivatthero. Lūkhadivaseti asiniddhadivase. Tatoti bravanato, paranti sambandho. Nanti mahāsivattheraṃ. Pamukheti gabbhassa pamukhe. Tanti sabbikumbhiṃ. Bahīti vihārassa bahi. Soti mahāsivatthero.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 179. габбияабхуумиануж̇аананаа • 179. Kappiyabhūmianujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / габбияабхуумиануж̇аананагат̇аа • Kappiyabhūmianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
