| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੩. ਤੇਰਸਮવਗ੍ਗੋ
13. Terasamavaggo
੧. ਕਪ੍ਪਟ੍ਠਕਥਾવਣ੍ਣਨਾ
1. Kappaṭṭhakathāvaṇṇanā
੬੫੪-੬੫੭. ਇਦਾਨਿ ਕਪ੍ਪਟ੍ਠਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਸਙ੍ਘਂ ਸਮਗ੍ਗਂ ਭੇਤ੍વਾਨ, ਕਪ੍ਪਂ ਨਿਰਯਮ੍ਹਿ ਪਚ੍ਚਤੀ’’ਤਿ ‘‘ਸਕਲਮ੍ਪਿ ਕਪ੍ਪਂ ਸਙ੍ਘਭੇਦਕੋ ਨਿਰਯੇ ਤਿਟ੍ਠਤੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਰਾਜਗਿਰਿਕਾਨਂ; ਤੇ ਸਨ੍ਧਾਯ ਕਪ੍ਪਟ੍ਠੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਬੁਦ੍ਧੋ ਚ ਲੋਕੇਤਿ ਇਦਂ વਿਨਾ ਬੁਦ੍ਧੁਪ੍ਪਾਦੇਨ ਸਙ੍ਘਭੇਦਸ੍ਸ ਅਭਾવਦਸ੍ਸਨਤ੍ਥਂ વੁਤ੍ਤਂ। ਕਪ੍ਪੋ ਚ ਸਣ੍ਠਾਤਿ ਸਙ੍ਘੋ ਚ ਭਿਜ੍ਜਤੀਤਿਆਦਿ ‘‘ਯਦਿ ਸੋ ਸਕਲਂ ਕਪ੍ਪਂ ਤਿਟ੍ਠਤਿ, ਸਣ੍ਠਹਨਤੋ ਪਟ੍ਠਾਯ ਤਂ ਕਮ੍ਮਂ ਕਤ੍વਾ ਤਤ੍ਥ ਉਪ੍ਪਜ੍ਜਿਤ੍વਾ ਤਿਟ੍ਠੇਯ੍ਯਾ’’ਤਿ ਦਸ੍ਸੇਤੁਂ વੁਤ੍ਤਂ। ਅਤੀਤਨ੍ਤਿਆਦਿ ਹੇਟ੍ਠਾ વੁਤ੍ਤਾਧਿਪ੍ਪਾਯਮੇવ। ਕਪ੍ਪਟ੍ਠੋ ਇਦ੍ਧਿਮਾਤਿ ਪਞ੍ਹੇ ਭਾવਨਾਮਯਂ ਸਨ੍ਧਾਯ ਪਟਿਕ੍ਖਿਪਤਿ, ਪਰਸਮਯੇ ਪਨਸ੍ਸ ਜਾਤਿਮਯਂ ਇਦ੍ਧਿਂ ਇਚ੍ਛਨ੍ਤਿ, ਤਂ ਸਨ੍ਧਾਯ ਪਟਿਜਾਨਾਤਿ। ਛਨ੍ਦਿਦ੍ਧਿਪਾਦੋਤਿਆਦਿ ‘‘ਜਾਤਿਮਯਾਯ ਇਦ੍ਧਿਯਾ ਇਦ੍ਧਿਮਾਤਿ ਲਦ੍ਧਿਮਤ੍ਤਮੇਤਂ, ਕਿਂ ਤੇਨ, ਯਦਿ ਪਨਸ੍ਸ ਇਦ੍ਧਿ ਅਤ੍ਥਿ, ਇਮਿਨਾ ਨਯੇਨ ਇਦ੍ਧਿਪਾਦਾ ਭਾવਿਤਾ ਭવੇਯ੍ਯੁ’’ਨ੍ਤਿ ਚੋਦਨਤ੍ਥਂ વੁਤ੍ਤਂ। ਆਪਾਯਿਕੋ ਨੇਰਯਿਕੋਤਿ ਸੁਤ੍ਤਂ ਯਂ ਸੋ ਏਕਂ ਕਪ੍ਪਂ ਅਸੀਤਿਭਾਗੇ ਕਤ੍વਾ ਤਤੋ ਏਕਭਾਗਮਤ੍ਤਂ ਕਾਲਂ ਤਿਟ੍ਠੇਯ੍ਯ, ਤਂ ਆਯੁਕਪ੍ਪਂ ਸਨ੍ਧਾਯ વੁਤ੍ਤਂ, ਤਸ੍ਮਾ ਅਸਾਧਕਨ੍ਤਿ।
654-657. Idāni kappaṭṭhakathā nāma hoti. Tattha yesaṃ ‘‘saṅghaṃ samaggaṃ bhetvāna, kappaṃ nirayamhi paccatī’’ti ‘‘sakalampi kappaṃ saṅghabhedako niraye tiṭṭhatī’’ti laddhi, seyyathāpi rājagirikānaṃ; te sandhāya kappaṭṭhoti pucchā sakavādissa, paṭiññā itarassa. Buddho ca loketi idaṃ vinā buddhuppādena saṅghabhedassa abhāvadassanatthaṃ vuttaṃ. Kappo ca saṇṭhāti saṅgho ca bhijjatītiādi ‘‘yadi so sakalaṃ kappaṃ tiṭṭhati, saṇṭhahanato paṭṭhāya taṃ kammaṃ katvā tattha uppajjitvā tiṭṭheyyā’’ti dassetuṃ vuttaṃ. Atītantiādi heṭṭhā vuttādhippāyameva. Kappaṭṭho iddhimāti pañhe bhāvanāmayaṃ sandhāya paṭikkhipati, parasamaye panassa jātimayaṃ iddhiṃ icchanti, taṃ sandhāya paṭijānāti. Chandiddhipādotiādi ‘‘jātimayāya iddhiyā iddhimāti laddhimattametaṃ, kiṃ tena, yadi panassa iddhi atthi, iminā nayena iddhipādā bhāvitā bhaveyyu’’nti codanatthaṃ vuttaṃ. Āpāyiko nerayikoti suttaṃ yaṃ so ekaṃ kappaṃ asītibhāge katvā tato ekabhāgamattaṃ kālaṃ tiṭṭheyya, taṃ āyukappaṃ sandhāya vuttaṃ, tasmā asādhakanti.
ਕਪ੍ਪਟ੍ਠਕਥਾવਣ੍ਣਨਾ।
Kappaṭṭhakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੨੬) ੧. ਕਪ੍ਪਟ੍ਠਕਥਾ • (126) 1. Kappaṭṭhakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਕਪ੍ਪਟ੍ਠਕਥਾવਣ੍ਣਨਾ • 1. Kappaṭṭhakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਕਪ੍ਪਟ੍ਠਕਥਾવਣ੍ਣਨਾ • 1. Kappaṭṭhakathāvaṇṇanā
