| Library / Tipiṭaka / တိပိဋက • Tipiṭaka / ထေရဂာထာပာဠိ • Theragāthāpāḷi |
၁၀. ကပ္ပဋကုရတ္ထေရဂာထာ
10. Kappaṭakurattheragāthā
၁၉၉.
199.
‘‘အယမိတိ ကပ္ပဋော ကပ္ပဋကုရော၊ အစ္ဆာယ အတိဘရိတာယ 1။
‘‘Ayamiti kappaṭo kappaṭakuro, acchāya atibharitāya 2;
အမတဃဋိကာယံ ဓမ္မကဋမတ္တော 3၊ ကတပဒံ ဈာနာနိ ဩစေတုံ။
Amataghaṭikāyaṃ dhammakaṭamatto 4, katapadaṃ jhānāni ocetuṃ.
၂၀၀.
200.
‘‘မာ ခော တ္ဝံ ကပ္ပဋ ပစာလေသိ၊ မာ တ္ဝံ ဥပကဏ္ဏမ္ဟိ တာဠေသ္သံ။
‘‘Mā kho tvaṃ kappaṭa pacālesi, mā tvaṃ upakaṇṇamhi tāḷessaṃ;
န ဟိ 5 တ္ဝံ ကပ္ပဋ မတ္တမညာသိ၊ သင္ဃမဇ္ဈမ္ဟိ ပစလာယမာနောတိ။
Na hi 6 tvaṃ kappaṭa mattamaññāsi, saṅghamajjhamhi pacalāyamānoti.
။ ကပ္ပဋကုရော ထေရော။။
… Kappaṭakuro thero….
ဝဂ္ဂော စတုတ္ထော နိဋ္ဌိတော။
Vaggo catuttho niṭṭhito.
တသ္သုဒ္ဒာနံ –
Tassuddānaṃ –
မိဂသိရော သိဝကော စ၊ ဥပဝာနော စ ပဏ္ဍိတော။
Migasiro sivako ca, upavāno ca paṇḍito;
ဣသိဒိန္နော စ ကစ္စာနော၊ နိတကော စ မဟာဝသီ။
Isidinno ca kaccāno, nitako ca mahāvasī;
ပောဋိရိယပုတ္တော နိသဘော၊ ဥသဘော ကပ္ပဋကုရောတိ။
Poṭiriyaputto nisabho, usabho kappaṭakuroti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရဂာထာ-အဋ္ဌကထာ • Theragāthā-aṭṭhakathā / ၁၀. ကပ္ပဋကုရတ္ထေရဂာထာဝဏ္ဏနာ • 10. Kappaṭakurattheragāthāvaṇṇanā
