| Library / Tipiṭaka / ཏིཔིཊཀ • Tipiṭaka / སུཏྟནིཔཱཏ-ཨཊྛཀཐཱ • Suttanipāta-aṭṭhakathā |
༡༠. ཀཔྤསུཏྟཝཎྞནཱ
10. Kappasuttavaṇṇanā
༡༠༩༩. མཛ྄ཛྷེ སརསྨིནྟི ཀཔྤསུཏྟཾ། ཏཏྠ མཛ྄ཛྷེ སརསྨིནྟི པུརིམཔཙྪིམཀོཊིཔཉྙཱཎཱབྷཱཝཏོ མཛ྄ཛྷབྷཱུཏེ སཾསཱརེཏི ཝུཏྟཾ ཧོཏི། ཏིཊྛཏནྟི ཏིཊྛམཱནཱནཾ། ཡཐཱཡིདཾ ནཱཔརཾ སིཡཱཏི ཡཐཱ ཨིདཾ དུཀྑཾ པུན ན བྷཝེཡྻ།
1099.Majjhesarasminti kappasuttaṃ. Tattha majjhe sarasminti purimapacchimakoṭipaññāṇābhāvato majjhabhūte saṃsāreti vuttaṃ hoti. Tiṭṭhatanti tiṭṭhamānānaṃ. Yathāyidaṃ nāparaṃ siyāti yathā idaṃ dukkhaṃ puna na bhaveyya.
༡༡༠༡-༢. ཨཐསྶ བྷགཝཱ ཏམཏྠཾ བྱཱཀརོནྟོ ཏིསྶོ གཱཐཱཡོ ཨབྷཱསི། ཏཏྠ ཨཀིཉྩནནྟི ཀིཉྩནཔཊིཔཀྑཾ། ཨནཱདཱནནྟི ཨཱདཱནཔཊིཔཀྑཾ, ཀིཉྩནཱདཱནཝཱུཔསམནྟི ཝུཏྟཾ ཧོཏི། ཨནཱཔརནྟི ཨཔརཔཊིབྷཱགདཱིཔཝིརཧིཏཾ, སེཊྛནྟི ཝུཏྟཾ ཧོཏི། ན ཏེ མཱརསྶ པདྡྷགཱུཏི ཏེ མཱརསྶ པདྡྷཙརཱ པརིཙཱརཀཱ སིསྶཱ ན ཧོནྟི། སེསཾ སབྦཏྠ པཱཀཊམེཝ།
1101-2. Athassa bhagavā tamatthaṃ byākaronto tisso gāthāyo abhāsi. Tattha akiñcananti kiñcanapaṭipakkhaṃ. Anādānanti ādānapaṭipakkhaṃ, kiñcanādānavūpasamanti vuttaṃ hoti. Anāparanti aparapaṭibhāgadīpavirahitaṃ, seṭṭhanti vuttaṃ hoti. Na te mārassa paddhagūti te mārassa paddhacarā paricārakā sissā na honti. Sesaṃ sabbattha pākaṭameva.
ཨེཝཾ བྷགཝཱ ཨིམམྤི སུཏྟཾ ཨརཧཏྟནིཀཱུཊེནེཝ དེསེསི དེསནཱཔརིཡོསཱནེ ཙ པུབྦསདིསོ ཨེཝ དྷམྨཱབྷིསམཡོ ཨཧོསཱིཏི།
Evaṃ bhagavā imampi suttaṃ arahattanikūṭeneva desesi desanāpariyosāne ca pubbasadiso eva dhammābhisamayo ahosīti.
པརམཏྠཛོཏིཀཱཡ ཁུདྡཀ-ཨཊྛཀཐཱཡ
Paramatthajotikāya khuddaka-aṭṭhakathāya
སུཏྟནིཔཱཏ-ཨཊྛཀཐཱཡ ཀཔྤསུཏྟཝཎྞནཱ ནིཊྛིཏཱ།
Suttanipāta-aṭṭhakathāya kappasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / སུཏྟནིཔཱཏཔཱལི༹ • Suttanipātapāḷi / ༡༠. ཀཔྤམཱཎཝཔུཙྪཱ • 10. Kappamāṇavapucchā
