| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੭੫. ਕਪੋਤਜਾਤਕਂ (੫-੩-੫)
375. Kapotajātakaṃ (5-3-5)
੧੩੫.
135.
ਇਦਾਨਿ ਖੋਮ੍ਹਿ ਸੁਖਿਤੋ ਅਰੋਗੋ, ਨਿਕ੍ਕਣ੍ਟਕੋ ਨਿਪ੍ਪਤਿਤੋ ਕਪੋਤੋ।
Idāni khomhi sukhito arogo, nikkaṇṭako nippatito kapoto;
ਕਾਹਾਮਿ ਦਾਨੀ ਹਦਯਸ੍ਸ ਤੁਟ੍ਠਿਂ, ਤਥਾਹਿਮਂ ਮਂਸਸਾਕਂ ਬਲੇਤਿ॥
Kāhāmi dānī hadayassa tuṭṭhiṃ, tathāhimaṃ maṃsasākaṃ baleti.
੧੩੬.
136.
ਕਾਯਂ ਬਲਾਕਾ ਸਿਖਿਨੋ, ਚੋਰੀ ਲਙ੍ਘਿਪਿਤਾਮਹਾ।
Kāyaṃ balākā sikhino, corī laṅghipitāmahā;
ਓਰਂ ਬਲਾਕੇ ਆਗਚ੍ਛ, ਚਣ੍ਡੋ ਮੇ વਾਯਸੋ ਸਖਾ॥
Oraṃ balāke āgaccha, caṇḍo me vāyaso sakhā.
੧੩੭.
137.
ਅਲਞ੍ਹਿ ਤੇ ਜਗ੍ਘਿਤਾਯੇ, ਮਮਂ ਦਿਸ੍વਾਨ ਏਦਿਸਂ।
Alañhi te jagghitāye, mamaṃ disvāna edisaṃ;
੧੩੮.
138.
ਸੁਨ੍ਹਾਤੋ ਸੁવਿਲਿਤ੍ਤੋਸਿ, ਅਨ੍ਨਪਾਨੇਨ ਤਪ੍ਪਿਤੋ।
Sunhāto suvilittosi, annapānena tappito;
ਕਣ੍ਠੇ ਚ ਤੇ વੇਲ਼ੁਰਿਯੋ, ਅਗਮਾ ਨੁ ਕਜਙ੍ਗਲਂ॥
Kaṇṭhe ca te veḷuriyo, agamā nu kajaṅgalaṃ.
੧੩੯.
139.
ਮਾ ਤੇ ਮਿਤ੍ਤੋ ਅਮਿਤ੍ਤੋ વਾ, ਅਗਮਾਸਿ ਕਜਙ੍ਗਲਂ।
Mā te mitto amitto vā, agamāsi kajaṅgalaṃ;
ਪਿਞ੍ਛਾਨਿ ਤਤ੍ਥ ਲਾਯਿਤ੍વਾ, ਕਣ੍ਠੇ ਬਨ੍ਧਨ੍ਤਿ વਟ੍ਟਨਂ॥
Piñchāni tattha lāyitvā, kaṇṭhe bandhanti vaṭṭanaṃ.
੧੪੦.
140.
ਪੁਨਪਾਪਜ੍ਜਸੀ ਸਮ੍ਮ, ਸੀਲਞ੍ਹਿ ਤવ ਤਾਦਿਸਂ।
Punapāpajjasī samma, sīlañhi tava tādisaṃ;
ਨ ਹਿ ਮਾਨੁਸਕਾ ਭੋਗਾ, ਸੁਭੁਞ੍ਜਾ ਹੋਨ੍ਤਿ ਪਕ੍ਖਿਨਾਤਿ॥
Na hi mānusakā bhogā, subhuñjā honti pakkhināti.
ਕਪੋਤਜਾਤਕਂ ਪਞ੍ਚਮਂ।
Kapotajātakaṃ pañcamaṃ.
ਅਡ੍ਢવਗ੍ਗੋ ਤਤਿਯੋ।
Aḍḍhavaggo tatiyo.
ਤਸ੍ਸੁਦ੍ਦਾਨਂ –
Tassuddānaṃ –
ਅਥ વਣ੍ਣ ਸਸੀਲ ਹਿਰਿ ਲਭਤੇ, ਸੁਮੁਖਾ વਿਸ ਸਾਲ਼ਿਯਮਿਤ੍ਤવਰੋ।
Atha vaṇṇa sasīla hiri labhate, sumukhā visa sāḷiyamittavaro;
ਅਥ ਚਕ੍ਕ ਪਲਾਸ ਸਰਾਜ ਸਤੋ, ਯવ ਬਾਲ ਕਪੋਤਕ ਪਨ੍ਨਰਸਾਤਿ॥
Atha cakka palāsa sarāja sato, yava bāla kapotaka pannarasāti.
ਅਥ વਗ੍ਗੁਦ੍ਦਾਨਂ –
Atha vagguddānaṃ –
ਜੀਨਞ੍ਚ વਣ੍ਣਂ ਅਸਮਂવਗੁਪ੍ਪਰਿ, ਸੁਦੇਸਿਤਾ ਜਾਤਕਨ੍ਤਿ ਸਨ੍ਤਿ વੀਸਤਿ 3।
Jīnañca vaṇṇaṃ asamaṃvaguppari, sudesitā jātakanti santi vīsati 4;
ਮਹੇਸਿਨੋ ਬ੍ਰਹ੍ਮਚਰਿਤ੍ਤਮੁਤ੍ਤ-ਮવੋਚ ਗਾਥਾ ਅਤ੍ਥવਤੀ ਸੁਬ੍ਯਞ੍ਜਨਾਤਿ॥
Mahesino brahmacarittamutta-mavoca gāthā atthavatī subyañjanāti.
ਪਞ੍ਚਕਨਿਪਾਤਂ ਨਿਟ੍ਠਿਤਂ।
Pañcakanipātaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੭੫] ੫. ਕਪੋਤਜਾਤਕવਣ੍ਣਨਾ • [375] 5. Kapotajātakavaṇṇanā
