| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
375. කපොතජාතකං (5-3-5)
375. Kapotajātakaṃ (5-3-5)
135.
135.
ඉදානි ඛොම්හි සුඛිතො අරොගො, නික්කණ්ටකො නිප්පතිතො කපොතො;
Idāni khomhi sukhito arogo, nikkaṇṭako nippatito kapoto;
කාහාමි දානී හදයස්ස තුට්ඨිං, තථාහිමං මංසසාකං බලෙති.
Kāhāmi dānī hadayassa tuṭṭhiṃ, tathāhimaṃ maṃsasākaṃ baleti.
136.
136.
කායං බලාකා සිඛිනො, චොරී ලඞ්ඝිපිතාමහා;
Kāyaṃ balākā sikhino, corī laṅghipitāmahā;
ඔරං බලාකෙ ආගච්ඡ, චණ්ඩො මෙ වායසො සඛා.
Oraṃ balāke āgaccha, caṇḍo me vāyaso sakhā.
137.
137.
අලඤ්හි තෙ ජග්ඝිතායෙ, මමං දිස්වාන එදිසං;
Alañhi te jagghitāye, mamaṃ disvāna edisaṃ;
138.
138.
සුන්හාතො සුවිලිත්තොසි, අන්නපානෙන තප්පිතො;
Sunhāto suvilittosi, annapānena tappito;
කණ්ඨෙ ච තෙ වෙළුරියො, අගමා නු කජඞ්ගලං.
Kaṇṭhe ca te veḷuriyo, agamā nu kajaṅgalaṃ.
139.
139.
මා තෙ මිත්තො අමිත්තො වා, අගමාසි කජඞ්ගලං;
Mā te mitto amitto vā, agamāsi kajaṅgalaṃ;
පිඤ්ඡානි තත්ථ ලායිත්වා, කණ්ඨෙ බන්ධන්ති වට්ටනං.
Piñchāni tattha lāyitvā, kaṇṭhe bandhanti vaṭṭanaṃ.
140.
140.
පුනපාපජ්ජසී සම්ම, සීලඤ්හි තව තාදිසං;
Punapāpajjasī samma, sīlañhi tava tādisaṃ;
න හි මානුසකා භොගා, සුභුඤ්ජා හොන්ති පක්ඛිනාති.
Na hi mānusakā bhogā, subhuñjā honti pakkhināti.
කපොතජාතකං පඤ්චමං.
Kapotajātakaṃ pañcamaṃ.
අඩ්ඪවග්ගො තතියො.
Aḍḍhavaggo tatiyo.
තස්සුද්දානං –
Tassuddānaṃ –
අථ වණ්ණ සසීල හිරි ලභතෙ, සුමුඛා විස සාළියමිත්තවරො;
Atha vaṇṇa sasīla hiri labhate, sumukhā visa sāḷiyamittavaro;
අථ චක්ක පලාස සරාජ සතො, යව බාල කපොතක පන්නරසාති.
Atha cakka palāsa sarāja sato, yava bāla kapotaka pannarasāti.
අථ වග්ගුද්දානං –
Atha vagguddānaṃ –
ජීනඤ්ච වණ්ණං අසමංවගුප්පරි, සුදෙසිතා ජාතකන්ති සන්ති වීසති 3;
Jīnañca vaṇṇaṃ asamaṃvaguppari, sudesitā jātakanti santi vīsati 4;
මහෙසිනො බ්රහ්මචරිත්තමුත්ත-මවොච ගාථා අත්ථවතී සුබ්යඤ්ජනාති.
Mahesino brahmacarittamutta-mavoca gāthā atthavatī subyañjanāti.
පඤ්චකනිපාතං නිට්ඨිතං.
Pañcakanipātaṃ niṭṭhitaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [375] 5. කපොතජාතකවණ්ණනා • [375] 5. Kapotajātakavaṇṇanā
