| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๗๕. กโปตชาตกํ (๕-๓-๕)
375. Kapotajātakaṃ (5-3-5)
๑๓๕.
135.
อิทานิ โขมฺหิ สุขิโต อโรโค, นิกฺกณฺฎโก นิปฺปติโต กโปโต;
Idāni khomhi sukhito arogo, nikkaṇṭako nippatito kapoto;
กาหามิ ทานี หทยสฺส ตุฎฺฐิํ, ตถาหิมํ มํสสากํ พเลติฯ
Kāhāmi dānī hadayassa tuṭṭhiṃ, tathāhimaṃ maṃsasākaṃ baleti.
๑๓๖.
136.
กายํ พลากา สิขิโน, โจรี ลงฺฆิปิตามหา;
Kāyaṃ balākā sikhino, corī laṅghipitāmahā;
โอรํ พลาเก อาคจฺฉ, จโณฺฑ เม วายโส สขาฯ
Oraṃ balāke āgaccha, caṇḍo me vāyaso sakhā.
๑๓๗.
137.
อลญฺหิ เต ชคฺฆิตาเย, มมํ ทิสฺวาน เอทิสํ;
Alañhi te jagghitāye, mamaṃ disvāna edisaṃ;
๑๓๘.
138.
สุนฺหาโต สุวิลิโตฺตสิ, อนฺนปาเนน ตปฺปิโต;
Sunhāto suvilittosi, annapānena tappito;
กเณฺฐ จ เต เวฬุริโย, อคมา นุ กชงฺคลํฯ
Kaṇṭhe ca te veḷuriyo, agamā nu kajaṅgalaṃ.
๑๓๙.
139.
มา เต มิโตฺต อมิโตฺต วา, อคมาสิ กชงฺคลํ;
Mā te mitto amitto vā, agamāsi kajaṅgalaṃ;
ปิญฺฉานิ ตตฺถ ลายิตฺวา, กเณฺฐ พนฺธนฺติ วฎฺฎนํฯ
Piñchāni tattha lāyitvā, kaṇṭhe bandhanti vaṭṭanaṃ.
๑๔๐.
140.
ปุนปาปชฺชสี สมฺม, สีลญฺหิ ตว ตาทิสํ;
Punapāpajjasī samma, sīlañhi tava tādisaṃ;
น หิ มานุสกา โภคา, สุภุญฺชา โหนฺติ ปกฺขินาติฯ
Na hi mānusakā bhogā, subhuñjā honti pakkhināti.
กโปตชาตกํ ปญฺจมํฯ
Kapotajātakaṃ pañcamaṃ.
อฑฺฒวโคฺค ตติโยฯ
Aḍḍhavaggo tatiyo.
ตสฺสุทฺทานํ –
Tassuddānaṃ –
อถ วณฺณ สสีล หิริ ลภเต, สุมุขา วิส สาฬิยมิตฺตวโร;
Atha vaṇṇa sasīla hiri labhate, sumukhā visa sāḷiyamittavaro;
อถ จกฺก ปลาส สราช สโต, ยว พาล กโปตก ปนฺนรสาติฯ
Atha cakka palāsa sarāja sato, yava bāla kapotaka pannarasāti.
อถ วคฺคุทฺทานํ –
Atha vagguddānaṃ –
ชีนญฺจ วณฺณํ อสมํวคุปฺปริ, สุเทสิตา ชาตกนฺติ สนฺติ วีสติ 3;
Jīnañca vaṇṇaṃ asamaṃvaguppari, sudesitā jātakanti santi vīsati 4;
มเหสิโน พฺรหฺมจริตฺตมุตฺต-มโวจ คาถา อตฺถวตี สุพฺยญฺชนาติฯ
Mahesino brahmacarittamutta-mavoca gāthā atthavatī subyañjanāti.
ปญฺจกนิปาตํ นิฎฺฐิตํฯ
Pañcakanipātaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๗๕] ๕. กโปตชาตกวณฺณนา • [375] 5. Kapotajātakavaṇṇanā
