| Library / Tipiṭaka / तिपिटक • Tipiṭaka / जातकपाळि • Jātakapāḷi |
३७५. कपोतजातकं (५-३-५)
375. Kapotajātakaṃ (5-3-5)
१३५.
135.
इदानि खोम्हि सुखितो अरोगो, निक्कण्टको निप्पतितो कपोतो।
Idāni khomhi sukhito arogo, nikkaṇṭako nippatito kapoto;
काहामि दानी हदयस्स तुट्ठिं, तथाहिमं मंससाकं बलेति॥
Kāhāmi dānī hadayassa tuṭṭhiṃ, tathāhimaṃ maṃsasākaṃ baleti.
१३६.
136.
कायं बलाका सिखिनो, चोरी लङ्घिपितामहा।
Kāyaṃ balākā sikhino, corī laṅghipitāmahā;
ओरं बलाके आगच्छ, चण्डो मे वायसो सखा॥
Oraṃ balāke āgaccha, caṇḍo me vāyaso sakhā.
१३७.
137.
अलञ्हि ते जग्घिताये, ममं दिस्वान एदिसं।
Alañhi te jagghitāye, mamaṃ disvāna edisaṃ;
१३८.
138.
सुन्हातो सुविलित्तोसि, अन्नपानेन तप्पितो।
Sunhāto suvilittosi, annapānena tappito;
कण्ठे च ते वेळुरियो, अगमा नु कजङ्गलं॥
Kaṇṭhe ca te veḷuriyo, agamā nu kajaṅgalaṃ.
१३९.
139.
मा ते मित्तो अमित्तो वा, अगमासि कजङ्गलं।
Mā te mitto amitto vā, agamāsi kajaṅgalaṃ;
पिञ्छानि तत्थ लायित्वा, कण्ठे बन्धन्ति वट्टनं॥
Piñchāni tattha lāyitvā, kaṇṭhe bandhanti vaṭṭanaṃ.
१४०.
140.
पुनपापज्जसी सम्म, सीलञ्हि तव तादिसं।
Punapāpajjasī samma, sīlañhi tava tādisaṃ;
न हि मानुसका भोगा, सुभुञ्जा होन्ति पक्खिनाति॥
Na hi mānusakā bhogā, subhuñjā honti pakkhināti.
कपोतजातकं पञ्चमं।
Kapotajātakaṃ pañcamaṃ.
अड्ढवग्गो ततियो।
Aḍḍhavaggo tatiyo.
तस्सुद्दानं –
Tassuddānaṃ –
अथ वण्ण ससील हिरि लभते, सुमुखा विस साळियमित्तवरो।
Atha vaṇṇa sasīla hiri labhate, sumukhā visa sāḷiyamittavaro;
अथ चक्क पलास सराज सतो, यव बाल कपोतक पन्नरसाति॥
Atha cakka palāsa sarāja sato, yava bāla kapotaka pannarasāti.
अथ वग्गुद्दानं –
Atha vagguddānaṃ –
जीनञ्च वण्णं असमंवगुप्परि, सुदेसिता जातकन्ति सन्ति वीसति 3।
Jīnañca vaṇṇaṃ asamaṃvaguppari, sudesitā jātakanti santi vīsati 4;
महेसिनो ब्रह्मचरित्तमुत्त-मवोच गाथा अत्थवती सुब्यञ्जनाति॥
Mahesino brahmacarittamutta-mavoca gāthā atthavatī subyañjanāti.
पञ्चकनिपातं निट्ठितं।
Pañcakanipātaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३७५] ५. कपोतजातकवण्णना • [375] 5. Kapotajātakavaṇṇanā
