| Library / Tipiṭaka / තිපිටක • Tipiṭaka / චරියාපිටකපාළි • Cariyāpiṭakapāḷi |
7. කපිරාජචරියා
7. Kapirājacariyā
67.
67.
‘‘යදා අහං කපි ආසිං, නදීකූලෙ දරීසයෙ;
‘‘Yadā ahaṃ kapi āsiṃ, nadīkūle darīsaye;
පීළිතො සුසුමාරෙන, ගමනං න ලභාමහං.
Pīḷito susumārena, gamanaṃ na labhāmahaṃ.
68.
68.
‘‘යම්හොකාසෙ අහං ඨත්වා, ඔරා පාරං පතාමහං;
‘‘Yamhokāse ahaṃ ṭhatvā, orā pāraṃ patāmahaṃ;
තත්ථච්ඡි සත්තු වධකො, කුම්භීලො ලුද්දදස්සනො.
Tatthacchi sattu vadhako, kumbhīlo luddadassano.
69.
69.
‘‘සො මං අසංසි ‘එහී’ති, ‘අහංපෙමී’ති තං වතිං;
‘‘So maṃ asaṃsi ‘ehī’ti, ‘ahaṃpemī’ti taṃ vatiṃ;
තස්ස මත්ථකමක්කම්ම, පරකූලෙ පතිට්ඨහිං.
Tassa matthakamakkamma, parakūle patiṭṭhahiṃ.
70.
70.
‘‘න තස්ස අලිකං භණිතං, යථා වාචං අකාසහං;
‘‘Na tassa alikaṃ bhaṇitaṃ, yathā vācaṃ akāsahaṃ;
සච්චෙන මෙ සමො නත්ථි, එසා මෙ සච්චපාරමී’’ති.
Saccena me samo natthi, esā me saccapāramī’’ti.
කපිරාජචරියං සත්තමං.
Kapirājacariyaṃ sattamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / චරියාපිටක-අට්ඨකථා • Cariyāpiṭaka-aṭṭhakathā / 7. කපිරාජචරියාවණ්ණනා • 7. Kapirājacariyāvaṇṇanā
