| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೭. ಕಪಿರಾಜಚರಿಯಾ
7. Kapirājacariyā
೬೭.
67.
‘‘ಯದಾ ಅಹಂ ಕಪಿ ಆಸಿಂ, ನದೀಕೂಲೇ ದರೀಸಯೇ।
‘‘Yadā ahaṃ kapi āsiṃ, nadīkūle darīsaye;
ಪೀಳಿತೋ ಸುಸುಮಾರೇನ, ಗಮನಂ ನ ಲಭಾಮಹಂ॥
Pīḷito susumārena, gamanaṃ na labhāmahaṃ.
೬೮.
68.
‘‘ಯಮ್ಹೋಕಾಸೇ ಅಹಂ ಠತ್ವಾ, ಓರಾ ಪಾರಂ ಪತಾಮಹಂ।
‘‘Yamhokāse ahaṃ ṭhatvā, orā pāraṃ patāmahaṃ;
ತತ್ಥಚ್ಛಿ ಸತ್ತು ವಧಕೋ, ಕುಮ್ಭೀಲೋ ಲುದ್ದದಸ್ಸನೋ॥
Tatthacchi sattu vadhako, kumbhīlo luddadassano.
೬೯.
69.
‘‘ಸೋ ಮಂ ಅಸಂಸಿ ‘ಏಹೀ’ತಿ, ‘ಅಹಂಪೇಮೀ’ತಿ ತಂ ವತಿಂ।
‘‘So maṃ asaṃsi ‘ehī’ti, ‘ahaṃpemī’ti taṃ vatiṃ;
ತಸ್ಸ ಮತ್ಥಕಮಕ್ಕಮ್ಮ, ಪರಕೂಲೇ ಪತಿಟ್ಠಹಿಂ॥
Tassa matthakamakkamma, parakūle patiṭṭhahiṃ.
೭೦.
70.
‘‘ನ ತಸ್ಸ ಅಲಿಕಂ ಭಣಿತಂ, ಯಥಾ ವಾಚಂ ಅಕಾಸಹಂ।
‘‘Na tassa alikaṃ bhaṇitaṃ, yathā vācaṃ akāsahaṃ;
ಸಚ್ಚೇನ ಮೇ ಸಮೋ ನತ್ಥಿ, ಏಸಾ ಮೇ ಸಚ್ಚಪಾರಮೀ’’ತಿ॥
Saccena me samo natthi, esā me saccapāramī’’ti.
ಕಪಿರಾಜಚರಿಯಂ ಸತ್ತಮಂ।
Kapirājacariyaṃ sattamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೭. ಕಪಿರಾಜಚರಿಯಾವಣ್ಣನಾ • 7. Kapirājacariyāvaṇṇanā
