| Library / Tipiṭaka / តិបិដក • Tipiṭaka / ចរិយាបិដកបាឡិ • Cariyāpiṭakapāḷi |
៧. កបិរាជចរិយា
7. Kapirājacariyā
៦៧.
67.
‘‘យទា អហំ កបិ អាសិំ, នទីកូលេ ទរីសយេ;
‘‘Yadā ahaṃ kapi āsiṃ, nadīkūle darīsaye;
បីឡិតោ សុសុមារេន, គមនំ ន លភាមហំ។
Pīḷito susumārena, gamanaṃ na labhāmahaṃ.
៦៨.
68.
‘‘យម្ហោកាសេ អហំ ឋត្វា, ឱរា បារំ បតាមហំ;
‘‘Yamhokāse ahaṃ ṭhatvā, orā pāraṃ patāmahaṃ;
តត្ថច្ឆិ សត្តុ វធកោ, កុម្ភីលោ លុទ្ទទស្សនោ។
Tatthacchi sattu vadhako, kumbhīlo luddadassano.
៦៩.
69.
‘‘សោ មំ អសំសិ ‘ឯហី’តិ, ‘អហំបេមី’តិ តំ វតិំ;
‘‘So maṃ asaṃsi ‘ehī’ti, ‘ahaṃpemī’ti taṃ vatiṃ;
តស្ស មត្ថកមក្កម្ម, បរកូលេ បតិដ្ឋហិំ។
Tassa matthakamakkamma, parakūle patiṭṭhahiṃ.
៧០.
70.
‘‘ន តស្ស អលិកំ ភណិតំ, យថា វាចំ អកាសហំ;
‘‘Na tassa alikaṃ bhaṇitaṃ, yathā vācaṃ akāsahaṃ;
សច្ចេន មេ សមោ នត្ថិ, ឯសា មេ សច្ចបារមី’’តិ។
Saccena me samo natthi, esā me saccapāramī’’ti.
កបិរាជចរិយំ សត្តមំ។
Kapirājacariyaṃ sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចរិយាបិដក-អដ្ឋកថា • Cariyāpiṭaka-aṭṭhakathā / ៧. កបិរាជចរិយាវណ្ណនា • 7. Kapirājacariyāvaṇṇanā
