| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๗. กปิราชจริยา
7. Kapirājacariyā
๖๗.
67.
‘‘ยทา อหํ กปิ อาสิํ, นทีกูเล ทรีสเย;
‘‘Yadā ahaṃ kapi āsiṃ, nadīkūle darīsaye;
ปีฬิโต สุสุมาเรน, คมนํ น ลภามหํฯ
Pīḷito susumārena, gamanaṃ na labhāmahaṃ.
๖๘.
68.
‘‘ยโมฺหกาเส อหํ ฐตฺวา, โอรา ปารํ ปตามหํ;
‘‘Yamhokāse ahaṃ ṭhatvā, orā pāraṃ patāmahaṃ;
ตตฺถจฺฉิ สตฺตุ วธโก, กุมฺภีโล ลุทฺททสฺสโนฯ
Tatthacchi sattu vadhako, kumbhīlo luddadassano.
๖๙.
69.
‘‘โส มํ อสํสิ ‘เอหี’ติ, ‘อหํเปมี’ติ ตํ วติํ;
‘‘So maṃ asaṃsi ‘ehī’ti, ‘ahaṃpemī’ti taṃ vatiṃ;
ตสฺส มตฺถกมกฺกมฺม, ปรกูเล ปติฎฺฐหิํฯ
Tassa matthakamakkamma, parakūle patiṭṭhahiṃ.
๗๐.
70.
‘‘น ตสฺส อลิกํ ภณิตํ, ยถา วาจํ อกาสหํ;
‘‘Na tassa alikaṃ bhaṇitaṃ, yathā vācaṃ akāsahaṃ;
สเจฺจน เม สโม นตฺถิ, เอสา เม สจฺจปารมี’’ติฯ
Saccena me samo natthi, esā me saccapāramī’’ti.
กปิราชจริยํ สตฺตมํฯ
Kapirājacariyaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๗. กปิราชจริยาวณฺณนา • 7. Kapirājacariyāvaṇṇanā
