| Library / Tipiṭaka / তিপিটক • Tipiṭaka / চরিযাপিটকপাল়ি • Cariyāpiṭakapāḷi |
৭. কপিরাজচরিযা
7. Kapirājacariyā
৬৭.
67.
‘‘যদা অহং কপি আসিং, নদীকূলে দরীসযে।
‘‘Yadā ahaṃ kapi āsiṃ, nadīkūle darīsaye;
পীল়িতো সুসুমারেন, গমনং ন লভামহং॥
Pīḷito susumārena, gamanaṃ na labhāmahaṃ.
৬৮.
68.
‘‘যম্হোকাসে অহং ঠত্ৰা, ওরা পারং পতামহং।
‘‘Yamhokāse ahaṃ ṭhatvā, orā pāraṃ patāmahaṃ;
তত্থচ্ছি সত্তু ৰধকো, কুম্ভীলো লুদ্দদস্সনো॥
Tatthacchi sattu vadhako, kumbhīlo luddadassano.
৬৯.
69.
‘‘সো মং অসংসি ‘এহী’তি, ‘অহংপেমী’তি তং ৰতিং।
‘‘So maṃ asaṃsi ‘ehī’ti, ‘ahaṃpemī’ti taṃ vatiṃ;
তস্স মত্থকমক্কম্ম, পরকূলে পতিট্ঠহিং॥
Tassa matthakamakkamma, parakūle patiṭṭhahiṃ.
৭০.
70.
‘‘ন তস্স অলিকং ভণিতং, যথা ৰাচং অকাসহং।
‘‘Na tassa alikaṃ bhaṇitaṃ, yathā vācaṃ akāsahaṃ;
সচ্চেন মে সমো নত্থি, এসা মে সচ্চপারমী’’তি॥
Saccena me samo natthi, esā me saccapāramī’’ti.
কপিরাজচরিযং সত্তমং।
Kapirājacariyaṃ sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / চরিযাপিটক-অট্ঠকথা • Cariyāpiṭaka-aṭṭhakathā / ৭. কপিরাজচরিযাৰণ্ণনা • 7. Kapirājacariyāvaṇṇanā
