| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༣༨. ཀཎྚཀཝཏྠུ
38. Kaṇṭakavatthu
༡༠༡. ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ དྭེ སཱམཎེརཱ ཧོནྟི – ཀཎྚཀོ ཙ མཧཀོ ཙ། ཏེ ཨཉྙམཉྙཾ དཱུསེསུཾ། བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཱམཎེརཱ ཨེཝརཱུཔཾ ཨནཱཙཱརཾ ཨཱཙརིསྶནྟཱི’’ཏི། བྷགཝཏོ ཨེཏམཏྠཾ ཨཱརོཙེསུཾ། ན, བྷིཀྑཝེ, ཨེཀེན དྭེ སཱམཎེརཱ ཨུཔཊྛཱཔེཏབྦཱ། ཡོ ཨུཔཊྛཱཔེཡྻ, ཨཱཔཏྟི དུཀྐཊསྶཱཏི།
101. Tena kho pana samayena āyasmato upanandassa sakyaputtassa dve sāmaṇerā honti – kaṇṭako ca mahako ca. Te aññamaññaṃ dūsesuṃ. Bhikkhū ujjhāyanti khiyyanti vipācenti – ‘‘kathañhi nāma sāmaṇerā evarūpaṃ anācāraṃ ācarissantī’’ti. Bhagavato etamatthaṃ ārocesuṃ. Na, bhikkhave, ekena dve sāmaṇerā upaṭṭhāpetabbā. Yo upaṭṭhāpeyya, āpatti dukkaṭassāti.
ཀཎྚཀཝཏྠུ ནིཊྛིཏཾ།
Kaṇṭakavatthu niṭṭhitaṃ.
Related texts:
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཀམྨཱརབྷཎྜུཝཏྠཱདིཀཐཱཝཎྞནཱ • Kammārabhaṇḍuvatthādikathāvaṇṇanā
