| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-པུརཱཎ-ཊཱིཀཱ • Kaṅkhāvitaraṇī-purāṇa-ṭīkā |
༡༠. ཀཎྚཀསིཀྑཱཔདཝཎྞནཱ
10. Kaṇṭakasikkhāpadavaṇṇanā
‘‘ཨཡཾ སམཎུདྡེསོ པཱརཱཛིཀོ ཧོཏི། སཙེ ཏཾ དིཊྛིཾ པཊིནིསྶཛྫཏི, སངྒྷསྶ ཨཱརོཙེཏྭཱ སངྒྷཱནུམཏིཡཱ པབྦཱཛེཏབྦོ’’ཏི པོརཱཎགཎྛིཔདེ ཝུཏྟཾ, ཏཾ ན ཡུཏྟཾ། དཎྜཀམྨནཱསནཱ ཧི ཨིདྷཱདྷིཔྤེཏཱ། ཡདི སོ པཱརཱཛིཀོ ཧོཏི, ལིངྒནཱསནཱ ནཱམ སིཡཱ། ‘‘ཏེ པཊིསེཝཏོ ནཱལཾ ཨནྟརཱཡཱཡཱ’’ཏི ཙ དིཊྛི སཏྠརི ཨསཏྠཱདིདིཊྛི ན ཧོཏི། སཙེ སཱ ཡསྶ ཨུཔྤཛྫཏི, སོ པཱརཱཛིཀོ ཧོཏི, ཏསྨིམྤི ཨེཝམེཝ པཊིཔཛྫིཏབྦཾ, སཾཝརེ ཨཏིཊྛནྟོ ལིངྒནཱསནཱཡ ནཱསེཏབྦོཏི (ཝཛིར॰ ཊཱི॰ པཱཙིཏྟིཡ ༤༢༨) ཨཱཙརིཡསྶ ཏཀྐོ།
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
ཀཎྚཀསིཀྑཱཔདཝཎྞནཱ ནིཊྛིཏཱ།
Kaṇṭakasikkhāpadavaṇṇanā niṭṭhitā.
སཔྤཱཎཀཝགྒོ སཏྟམོ།
Sappāṇakavaggo sattamo.
