| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૧૦. કણ્ટકસિક્ખાપદવણ્ણના
10. Kaṇṭakasikkhāpadavaṇṇanā
૪૨૮. દસમે – દિટ્ઠિગતં ઉપ્પન્નન્તિ અરિટ્ઠસ્સ વિય એતસ્સાપિ અયોનિસો ઉમ્મુજ્જન્તસ્સ ઉપ્પન્નં. નાસેતૂતિ એત્થ તિવિધા નાસના – સંવાસનાસના, લિઙ્ગનાસના, દણ્ડકમ્મનાસનાતિ. તત્થ આપત્તિયા અદસ્સનાદીસુ ઉક્ખેપના સંવાસનાસના નામ. ‘‘દૂસકો નાસેતબ્બો (પારા॰ ૬૬) મેત્તિયં ભિક્ખુનિં નાસેથા’’તિ (પારા॰ ૩૮૪) અયં લિઙ્ગનાસના નામ. ‘‘અજ્જતગ્ગે તે આવુસો સમણુદ્દેસ ન ચેવ સો ભગવા સત્થા અપદિસિતબ્બો’’તિ અયં દણ્ડકમ્મનાસના નામ. અયં ઇધ અધિપ્પેતા. તેનાહ – ‘‘એવઞ્ચ પન ભિક્ખવે નાસેતબ્બો…પે॰… વિનસ્સા’’તિ. તત્થ ચરાતિ ગચ્છ. પિરેતિ પર અમામક. વિનસ્સાતિ નસ્સ; યત્થ તે ન પસ્સામ, તત્થ ગચ્છાતિ.
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
૪૨૯. ઉપલાપેય્યાતિ સઙ્ગણ્હેય્ય. ઉપટ્ઠાપેય્યાતિ તેન અત્તનો ઉપટ્ઠાનં કારાપેય્ય. સેસં અરિટ્ઠસિક્ખાપદે વુત્તનયેનેવ વેદિતબ્બં સદ્ધિં સમુટ્ઠાનાદીહીતિ.
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
કણ્ટકસિક્ખાપદં દસમં.
Kaṇṭakasikkhāpadaṃ dasamaṃ.
સમત્તો વણ્ણનાક્કમેન સપ્પાણકવગ્ગો સત્તમો.
Samatto vaṇṇanākkamena sappāṇakavaggo sattamo.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૭. સપ્પાણકવગ્ગો • 7. Sappāṇakavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૧૦. કણ્ટકસિક્ખાપદવણ્ણના • 10. Kaṇṭakasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૧૦. કણ્ટકસિક્ખાપદવણ્ણના • 10. Kaṇṭakasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧૦. કણ્ટકસિક્ખાપદવણ્ણના • 10. Kaṇṭakasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૦. કણ્ટકસિક્ખાપદં • 10. Kaṇṭakasikkhāpadaṃ
