| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๐. กณฺฎกสิกฺขาปทํ
10. Kaṇṭakasikkhāpadaṃ
๔๒๘. ทสเม อริฎฺฐสฺส อุปฺปนฺนํ วิย เอตสฺสาปิ อุปฺปนฺนนฺติ โยชนาฯ อุมฺมชฺชนฺตสฺสาติ มนสิกโรนฺตสฺสฯ สํวาสสฺส นาสนา สํวาสนาสนาฯ ลิงฺคสฺส นาสนา ลิงฺคนาสนาฯ ทณฺฑกเมฺมน นาสนา ทณฺฑกมฺมนาสนาฯ ตตฺถาติ ติวิธาสุ นาสนาสุฯ ทูสโก…เป.… นาเสถาติ เอตฺถ อยํ นาสนา ลิงฺคนาสนา นามาติ โยชนาฯ อยนฺติ ทณฺฑกมฺมนาสนาฯ อิธาติ อิมสฺมิํ สิกฺขาปเท, ‘‘นาเสตู’’ติ ปเท วาฯ ตตฺถาติ ปุริมวจนาเปกฺขํ, ‘‘เอวญฺจ ปน ภิกฺขเว’’ติ อาทิวจเนติ อโตฺถฯ ปิเรติ อามนฺตนปทํ ปรสเทฺทน สมานตฺถนฺติ อาห ‘‘ปรา’’ติฯ ‘‘อมฺหากํ อนชฺฌตฺติกภูต’’อิติ วา ‘‘อมฺหากํ ปจฺจนีกภูต’’ อิติ วา อโตฺถ ทฎฺฐโพฺพฯ ‘‘อมามก’’อิติปเทน ‘‘ปร’’อิติปทสฺส อธิปฺปายตฺถํ ทเสฺสติฯ อเมฺห นมมายก, อเมฺหหิ วา นมมายิตพฺพ อิติ อโตฺถฯ ‘‘อมฺหามก’’อิติปิ หการยุโตฺต ปาโฐฯ อเมฺหหิ อามกอิติ อโตฺถฯ ยตฺถาติ ยสฺมิํ ฐาเนฯ เตติ อุปโยคเตฺถ สามิวจนํ, ตนฺติ อโตฺถฯ ตว รูปสเทฺท วาติ สมฺพโนฺธฯ น ปสฺสามาติ น ปสฺสาม, น สุณามฯ
428. Dasame ariṭṭhassa uppannaṃ viya etassāpi uppannanti yojanā. Ummajjantassāti manasikarontassa. Saṃvāsassa nāsanā saṃvāsanāsanā. Liṅgassa nāsanā liṅganāsanā. Daṇḍakammena nāsanā daṇḍakammanāsanā. Tatthāti tividhāsu nāsanāsu. Dūsako…pe… nāsethāti ettha ayaṃ nāsanā liṅganāsanā nāmāti yojanā. Ayanti daṇḍakammanāsanā. Idhāti imasmiṃ sikkhāpade, ‘‘nāsetū’’ti pade vā. Tatthāti purimavacanāpekkhaṃ, ‘‘evañca pana bhikkhave’’ti ādivacaneti attho. Pireti āmantanapadaṃ parasaddena samānatthanti āha ‘‘parā’’ti. ‘‘Amhākaṃ anajjhattikabhūta’’iti vā ‘‘amhākaṃ paccanīkabhūta’’ iti vā attho daṭṭhabbo. ‘‘Amāmaka’’itipadena ‘‘para’’itipadassa adhippāyatthaṃ dasseti. Amhe namamāyaka, amhehi vā namamāyitabba iti attho. ‘‘Amhāmaka’’itipi hakārayutto pāṭho. Amhehi āmakaiti attho. Yatthāti yasmiṃ ṭhāne. Teti upayogatthe sāmivacanaṃ, tanti attho. Tava rūpasadde vāti sambandho. Na passāmāti na passāma, na suṇāma.
๔๒๙. เตนาติ สามเณเรนฯ ‘‘การาเปยฺยา’’ติ ปเท การิตกมฺมนฺติฯ ทสมํฯ
429.Tenāti sāmaṇerena. ‘‘Kārāpeyyā’’ti pade kāritakammanti. Dasamaṃ.
สปฺปาณกวโคฺค สตฺตโมฯ
Sappāṇakavaggo sattamo.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๗. สปฺปาณกวโคฺค • 7. Sappāṇakavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
