| Library / Tipiṭaka / තිපිටක • Tipiṭaka / ද්වෙමාතිකාපාළි • Dvemātikāpāḷi |
නමො තස්ස භගවතො අරහතො සම්මාසම්බුද්ධස්ස
Namo tassa bhagavato arahato sammāsambuddhassa
කඞ්ඛාවිතරණී-අට්ඨකථා
Kaṅkhāvitaraṇī-aṭṭhakathā
ගන්ථාරම්භකථා
Ganthārambhakathā
බුද්ධං ධම්මඤ්ච සඞ්ඝඤ්ච, විප්පසන්නෙන චෙතසා;
Buddhaṃ dhammañca saṅghañca, vippasannena cetasā;
වන්දිත්වා වන්දනාමාන, පූජාසක්කාරභාජනං.
Vanditvā vandanāmāna, pūjāsakkārabhājanaṃ.
ථෙරවංසප්පදීපානං, ථිරානං විනයක්කමෙ;
Theravaṃsappadīpānaṃ, thirānaṃ vinayakkame;
පුබ්බාචරියසීහානං, නමො කත්වා කතඤ්ජලී.
Pubbācariyasīhānaṃ, namo katvā katañjalī.
පාමොක්ඛං අනවජ්ජානං, ධම්මානං යං මහෙසිනා;
Pāmokkhaṃ anavajjānaṃ, dhammānaṃ yaṃ mahesinā;
මුඛං මොක්ඛප්පවෙසාය, පාතිමොක්ඛං පකාසිතං.
Mukhaṃ mokkhappavesāya, pātimokkhaṃ pakāsitaṃ.
සූරතෙන නිවාතෙන, සුචිසල්ලෙඛවුත්තිනා;
Sūratena nivātena, sucisallekhavuttinā;
විනයාචාරයුත්තෙන, සොණත්ථෙරෙන යාචිතො.
Vinayācārayuttena, soṇattherena yācito.
තත්ථ සඤ්ජාතකඞ්ඛානං, භික්ඛූනං තස්ස වණ්ණනං;
Tattha sañjātakaṅkhānaṃ, bhikkhūnaṃ tassa vaṇṇanaṃ;
කඞ්ඛාවිතරණත්ථාය, පරිපුණ්ණවිනිච්ඡයං.
Kaṅkhāvitaraṇatthāya, paripuṇṇavinicchayaṃ.
මහාවිහාරවාසීනං, වාචනාමග්ගනිස්සිතං;
Mahāvihāravāsīnaṃ, vācanāmagganissitaṃ;
වත්තයිස්සාමි නාමෙන, කඞ්ඛාවිතරණිං සුභන්ති.
Vattayissāmi nāmena, kaṅkhāvitaraṇiṃ subhanti.
