| Library / Tipiṭaka / ತಿಪಿಟಕ • Tipiṭaka / ದ್ವೇಮಾತಿಕಾಪಾಳಿ • Dvemātikāpāḷi |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಕಙ್ಖಾವಿತರಣೀ-ಅಟ್ಠಕಥಾ
Kaṅkhāvitaraṇī-aṭṭhakathā
ಗನ್ಥಾರಮ್ಭಕಥಾ
Ganthārambhakathā
ಬುದ್ಧಂ ಧಮ್ಮಞ್ಚ ಸಙ್ಘಞ್ಚ, ವಿಪ್ಪಸನ್ನೇನ ಚೇತಸಾ।
Buddhaṃ dhammañca saṅghañca, vippasannena cetasā;
ವನ್ದಿತ್ವಾ ವನ್ದನಾಮಾನ, ಪೂಜಾಸಕ್ಕಾರಭಾಜನಂ॥
Vanditvā vandanāmāna, pūjāsakkārabhājanaṃ.
ಥೇರವಂಸಪ್ಪದೀಪಾನಂ, ಥಿರಾನಂ ವಿನಯಕ್ಕಮೇ।
Theravaṃsappadīpānaṃ, thirānaṃ vinayakkame;
ಪುಬ್ಬಾಚರಿಯಸೀಹಾನಂ, ನಮೋ ಕತ್ವಾ ಕತಞ್ಜಲೀ॥
Pubbācariyasīhānaṃ, namo katvā katañjalī.
ಪಾಮೋಕ್ಖಂ ಅನವಜ್ಜಾನಂ, ಧಮ್ಮಾನಂ ಯಂ ಮಹೇಸಿನಾ।
Pāmokkhaṃ anavajjānaṃ, dhammānaṃ yaṃ mahesinā;
ಮುಖಂ ಮೋಕ್ಖಪ್ಪವೇಸಾಯ, ಪಾತಿಮೋಕ್ಖಂ ಪಕಾಸಿತಂ॥
Mukhaṃ mokkhappavesāya, pātimokkhaṃ pakāsitaṃ.
ಸೂರತೇನ ನಿವಾತೇನ, ಸುಚಿಸಲ್ಲೇಖವುತ್ತಿನಾ।
Sūratena nivātena, sucisallekhavuttinā;
ವಿನಯಾಚಾರಯುತ್ತೇನ, ಸೋಣತ್ಥೇರೇನ ಯಾಚಿತೋ॥
Vinayācārayuttena, soṇattherena yācito.
ತತ್ಥ ಸಞ್ಜಾತಕಙ್ಖಾನಂ, ಭಿಕ್ಖೂನಂ ತಸ್ಸ ವಣ್ಣನಂ।
Tattha sañjātakaṅkhānaṃ, bhikkhūnaṃ tassa vaṇṇanaṃ;
ಕಙ್ಖಾವಿತರಣತ್ಥಾಯ, ಪರಿಪುಣ್ಣವಿನಿಚ್ಛಯಂ॥
Kaṅkhāvitaraṇatthāya, paripuṇṇavinicchayaṃ.
ಮಹಾವಿಹಾರವಾಸೀನಂ, ವಾಚನಾಮಗ್ಗನಿಸ್ಸಿತಂ।
Mahāvihāravāsīnaṃ, vācanāmagganissitaṃ;
ವತ್ತಯಿಸ್ಸಾಮಿ ನಾಮೇನ, ಕಙ್ಖಾವಿತರಣಿಂ ಸುಭನ್ತಿ॥
Vattayissāmi nāmena, kaṅkhāvitaraṇiṃ subhanti.
