| Library / Tipiṭaka / ติปิฎก • Tipiṭaka / เทฺวมาติกาปาฬิ • Dvemātikāpāḷi |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
กงฺขาวิตรณี-อฎฺฐกถา
Kaṅkhāvitaraṇī-aṭṭhakathā
คนฺถารมฺภกถา
Ganthārambhakathā
พุทฺธํ ธมฺมญฺจ สงฺฆญฺจ, วิปฺปสเนฺนน เจตสา;
Buddhaṃ dhammañca saṅghañca, vippasannena cetasā;
วนฺทิตฺวา วนฺทนามาน, ปูชาสกฺการภาชนํฯ
Vanditvā vandanāmāna, pūjāsakkārabhājanaṃ.
เถรวํสปฺปทีปานํ, ถิรานํ วินยกฺกเม;
Theravaṃsappadīpānaṃ, thirānaṃ vinayakkame;
ปุพฺพาจริยสีหานํ, นโม กตฺวา กตญฺชลีฯ
Pubbācariyasīhānaṃ, namo katvā katañjalī.
ปาโมกฺขํ อนวชฺชานํ, ธมฺมานํ ยํ มเหสินา;
Pāmokkhaṃ anavajjānaṃ, dhammānaṃ yaṃ mahesinā;
มุขํ โมกฺขปฺปเวสาย, ปาติโมกฺขํ ปกาสิตํฯ
Mukhaṃ mokkhappavesāya, pātimokkhaṃ pakāsitaṃ.
สูรเตน นิวาเตน, สุจิสเลฺลขวุตฺตินา;
Sūratena nivātena, sucisallekhavuttinā;
วินยาจารยุเตฺตน, โสณเตฺถเรน ยาจิโตฯ
Vinayācārayuttena, soṇattherena yācito.
ตตฺถ สญฺชาตกงฺขานํ, ภิกฺขูนํ ตสฺส วณฺณนํ;
Tattha sañjātakaṅkhānaṃ, bhikkhūnaṃ tassa vaṇṇanaṃ;
กงฺขาวิตรณตฺถาย, ปริปุณฺณวินิจฺฉยํฯ
Kaṅkhāvitaraṇatthāya, paripuṇṇavinicchayaṃ.
มหาวิหารวาสีนํ, วาจนามคฺคนิสฺสิตํ;
Mahāvihāravāsīnaṃ, vācanāmagganissitaṃ;
วตฺตยิสฺสามิ นาเมน, กงฺขาวิตรณิํ สุภนฺติฯ
Vattayissāmi nāmena, kaṅkhāvitaraṇiṃ subhanti.
