| Library / Tipiṭaka / तिपिटक • Tipiṭaka / द्वेमातिकापाळि • Dvemātikāpāḷi |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
कङ्खावितरणी-अट्ठकथा
Kaṅkhāvitaraṇī-aṭṭhakathā
गन्थारम्भकथा
Ganthārambhakathā
बुद्धं धम्मञ्च सङ्घञ्च, विप्पसन्नेन चेतसा।
Buddhaṃ dhammañca saṅghañca, vippasannena cetasā;
वन्दित्वा वन्दनामान, पूजासक्कारभाजनं॥
Vanditvā vandanāmāna, pūjāsakkārabhājanaṃ.
थेरवंसप्पदीपानं, थिरानं विनयक्कमे।
Theravaṃsappadīpānaṃ, thirānaṃ vinayakkame;
पुब्बाचरियसीहानं, नमो कत्वा कतञ्जली॥
Pubbācariyasīhānaṃ, namo katvā katañjalī.
पामोक्खं अनवज्जानं, धम्मानं यं महेसिना।
Pāmokkhaṃ anavajjānaṃ, dhammānaṃ yaṃ mahesinā;
मुखं मोक्खप्पवेसाय, पातिमोक्खं पकासितं॥
Mukhaṃ mokkhappavesāya, pātimokkhaṃ pakāsitaṃ.
सूरतेन निवातेन, सुचिसल्लेखवुत्तिना।
Sūratena nivātena, sucisallekhavuttinā;
विनयाचारयुत्तेन, सोणत्थेरेन याचितो॥
Vinayācārayuttena, soṇattherena yācito.
तत्थ सञ्जातकङ्खानं, भिक्खूनं तस्स वण्णनं।
Tattha sañjātakaṅkhānaṃ, bhikkhūnaṃ tassa vaṇṇanaṃ;
कङ्खावितरणत्थाय, परिपुण्णविनिच्छयं॥
Kaṅkhāvitaraṇatthāya, paripuṇṇavinicchayaṃ.
महाविहारवासीनं, वाचनामग्गनिस्सितं।
Mahāvihāravāsīnaṃ, vācanāmagganissitaṃ;
वत्तयिस्सामि नामेन, कङ्खावितरणिं सुभन्ति॥
Vattayissāmi nāmena, kaṅkhāvitaraṇiṃ subhanti.
