| Library / Tipiṭaka / তিপিটক • Tipiṭaka / দ্ৰেমাতিকাপাল়ি • Dvemātikāpāḷi |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
কঙ্খাৰিতরণী-অট্ঠকথা
Kaṅkhāvitaraṇī-aṭṭhakathā
গন্থারম্ভকথা
Ganthārambhakathā
বুদ্ধং ধম্মঞ্চ সঙ্ঘঞ্চ, ৰিপ্পসন্নেন চেতসা।
Buddhaṃ dhammañca saṅghañca, vippasannena cetasā;
ৰন্দিত্ৰা ৰন্দনামান, পূজাসক্কারভাজনং॥
Vanditvā vandanāmāna, pūjāsakkārabhājanaṃ.
থেরৰংসপ্পদীপানং, থিরানং ৰিনযক্কমে।
Theravaṃsappadīpānaṃ, thirānaṃ vinayakkame;
পুব্বাচরিযসীহানং, নমো কত্ৰা কতঞ্জলী॥
Pubbācariyasīhānaṃ, namo katvā katañjalī.
পামোক্খং অনৰজ্জানং, ধম্মানং যং মহেসিনা।
Pāmokkhaṃ anavajjānaṃ, dhammānaṃ yaṃ mahesinā;
মুখং মোক্খপ্পৰেসায, পাতিমোক্খং পকাসিতং॥
Mukhaṃ mokkhappavesāya, pātimokkhaṃ pakāsitaṃ.
সূরতেন নিৰাতেন, সুচিসল্লেখৰুত্তিনা।
Sūratena nivātena, sucisallekhavuttinā;
ৰিনযাচারযুত্তেন, সোণত্থেরেন যাচিতো॥
Vinayācārayuttena, soṇattherena yācito.
তত্থ সঞ্জাতকঙ্খানং, ভিক্খূনং তস্স ৰণ্ণনং।
Tattha sañjātakaṅkhānaṃ, bhikkhūnaṃ tassa vaṇṇanaṃ;
কঙ্খাৰিতরণত্থায, পরিপুণ্ণৰিনিচ্ছযং॥
Kaṅkhāvitaraṇatthāya, paripuṇṇavinicchayaṃ.
মহাৰিহারৰাসীনং, ৰাচনামগ্গনিস্সিতং।
Mahāvihāravāsīnaṃ, vācanāmagganissitaṃ;
ৰত্তযিস্সামি নামেন, কঙ্খাৰিতরণিং সুভন্তি॥
Vattayissāmi nāmena, kaṅkhāvitaraṇiṃ subhanti.
