| Library / Tipiṭaka / திபிடக • Tipiṭaka / த்³வேமாதிகாபாளி • Dvemātikāpāḷi |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
கங்கா²விதரணீ-அட்ட²கதா²
Kaṅkhāvitaraṇī-aṭṭhakathā
க³ந்தா²ரம்ப⁴கதா²
Ganthārambhakathā
பு³த்³த⁴ங் த⁴ம்மஞ்ச ஸங்க⁴ஞ்ச, விப்பஸன்னேன சேதஸா;
Buddhaṃ dhammañca saṅghañca, vippasannena cetasā;
வந்தி³த்வா வந்த³னாமான, பூஜாஸக்காரபா⁴ஜனங்.
Vanditvā vandanāmāna, pūjāsakkārabhājanaṃ.
தே²ரவங்ஸப்பதீ³பானங், தி²ரானங் வினயக்கமே;
Theravaṃsappadīpānaṃ, thirānaṃ vinayakkame;
புப்³பா³சரியஸீஹானங், நமோ கத்வா கதஞ்ஜலீ.
Pubbācariyasīhānaṃ, namo katvā katañjalī.
பாமொக்க²ங் அனவஜ்ஜானங், த⁴ம்மானங் யங் மஹேஸினா;
Pāmokkhaṃ anavajjānaṃ, dhammānaṃ yaṃ mahesinā;
முக²ங் மொக்க²ப்பவேஸாய, பாதிமொக்க²ங் பகாஸிதங்.
Mukhaṃ mokkhappavesāya, pātimokkhaṃ pakāsitaṃ.
ஸூரதேன நிவாதேன, ஸுசிஸல்லேக²வுத்தினா;
Sūratena nivātena, sucisallekhavuttinā;
வினயாசாரயுத்தேன, ஸோணத்தே²ரேன யாசிதோ.
Vinayācārayuttena, soṇattherena yācito.
தத்த² ஸஞ்ஜாதகங்கா²னங், பி⁴க்கூ²னங் தஸ்ஸ வண்ணனங்;
Tattha sañjātakaṅkhānaṃ, bhikkhūnaṃ tassa vaṇṇanaṃ;
கங்கா²விதரணத்தா²ய, பரிபுண்ணவினிச்ச²யங்.
Kaṅkhāvitaraṇatthāya, paripuṇṇavinicchayaṃ.
மஹாவிஹாரவாஸீனங், வாசனாமக்³க³னிஸ்ஸிதங்;
Mahāvihāravāsīnaṃ, vācanāmagganissitaṃ;
வத்தயிஸ்ஸாமி நாமேன, கங்கா²விதரணிங் ஸுப⁴ந்தி.
Vattayissāmi nāmena, kaṅkhāvitaraṇiṃ subhanti.
