| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒๑. กณิการปุปฺผิยวโคฺค
21. Kaṇikārapupphiyavaggo
๑. กณิการปุปฺผิยเตฺถรอปทานํ
1. Kaṇikārapupphiyattheraapadānaṃ
๑.
1.
‘‘กณิการํ ปุปฺผิตํ ทิสฺวา, โอจินิตฺวานหํ ตทา;
‘‘Kaṇikāraṃ pupphitaṃ disvā, ocinitvānahaṃ tadā;
ติสฺสสฺส อภิโรเปสิํ, โอฆติณฺณสฺส ตาทิโนฯ
Tissassa abhiropesiṃ, oghatiṇṇassa tādino.
๒.
2.
‘‘เทฺวนวุเต อิโต กเปฺป, ยํ ปุปฺผมภิโรปยิํ;
‘‘Dvenavute ito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๓.
3.
‘‘ปญฺจตฺติํเส อิโต กเปฺป, อรุณปาณีติ วิสฺสุโต;
‘‘Pañcattiṃse ito kappe, aruṇapāṇīti vissuto;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔.
4.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา กณิการปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā kaṇikārapupphiyo thero imā gāthāyo abhāsitthāti.
กณิการปุปฺผิยเตฺถรสฺสาปทานํ ปฐมํฯ
Kaṇikārapupphiyattherassāpadānaṃ paṭhamaṃ.
