| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. कणिकारछत्तियत्थेरअपदानं
5. Kaṇikārachattiyattheraapadānaṃ
२३.
23.
‘‘वेस्सभू नाम सम्बुद्धो, लोकजेट्ठो नरासभो।
‘‘Vessabhū nāma sambuddho, lokajeṭṭho narāsabho;
दिवाविहाराय मुनि, ओगाहयि महावनं॥
Divāvihārāya muni, ogāhayi mahāvanaṃ.
२४.
24.
‘‘कणिकारं ओचिनित्वा, छत्तं कत्वानहं तदा।
‘‘Kaṇikāraṃ ocinitvā, chattaṃ katvānahaṃ tadā;
पुप्फच्छदनं कत्वान, बुद्धस्स अभिरोपयिं॥
Pupphacchadanaṃ katvāna, buddhassa abhiropayiṃ.
२५.
25.
‘‘एकत्तिंसे इतो कप्पे, यं पुप्फमभिरोपयिं।
‘‘Ekattiṃse ito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
२६.
26.
‘‘इतो वीसतिकप्पम्हि, सोण्णाभा अट्ठ खत्तिया।
‘‘Ito vīsatikappamhi, soṇṇābhā aṭṭha khattiyā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
२७.
27.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा कणिकारछत्तियो थेरो इमा गाथायो अभासित्थाति।
Itthaṃ sudaṃ āyasmā kaṇikārachattiyo thero imā gāthāyo abhāsitthāti.
कणिकारछत्तियत्थेरस्सापदानं पञ्चमं।
Kaṇikārachattiyattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. कणिकारछत्तियत्थेरअपदानवण्णना • 5. Kaṇikārachattiyattheraapadānavaṇṇanā
