| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৫. কণিকারছত্তিযত্থেরঅপদানং
5. Kaṇikārachattiyattheraapadānaṃ
২৩.
23.
‘‘ৰেস্সভূ নাম সম্বুদ্ধো, লোকজেট্ঠো নরাসভো।
‘‘Vessabhū nāma sambuddho, lokajeṭṭho narāsabho;
দিৰাৰিহারায মুনি, ওগাহযি মহাৰনং॥
Divāvihārāya muni, ogāhayi mahāvanaṃ.
২৪.
24.
‘‘কণিকারং ওচিনিত্ৰা, ছত্তং কত্ৰানহং তদা।
‘‘Kaṇikāraṃ ocinitvā, chattaṃ katvānahaṃ tadā;
পুপ্ফচ্ছদনং কত্ৰান, বুদ্ধস্স অভিরোপযিং॥
Pupphacchadanaṃ katvāna, buddhassa abhiropayiṃ.
২৫.
25.
‘‘একত্তিংসে ইতো কপ্পে, যং পুপ্ফমভিরোপযিং।
‘‘Ekattiṃse ito kappe, yaṃ pupphamabhiropayiṃ;
দুগ্গতিং নাভিজানামি, বুদ্ধপূজাযিদং ফলং॥
Duggatiṃ nābhijānāmi, buddhapūjāyidaṃ phalaṃ.
২৬.
26.
‘‘ইতো ৰীসতিকপ্পম্হি, সোণ্ণাভা অট্ঠ খত্তিযা।
‘‘Ito vīsatikappamhi, soṇṇābhā aṭṭha khattiyā;
সত্তরতনসম্পন্না, চক্কৰত্তী মহব্বলা॥
Sattaratanasampannā, cakkavattī mahabbalā.
২৭.
27.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা কণিকারছত্তিযো থেরো ইমা গাথাযো অভাসিত্থাতি।
Itthaṃ sudaṃ āyasmā kaṇikārachattiyo thero imā gāthāyo abhāsitthāti.
কণিকারছত্তিযত্থেরস্সাপদানং পঞ্চমং।
Kaṇikārachattiyattherassāpadānaṃ pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৫. কণিকারছত্তিযত্থেরঅপদানৰণ্ণনা • 5. Kaṇikārachattiyattheraapadānavaṇṇanā
