| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
१०. कण्हदिन्नत्थेरगाथा
10. Kaṇhadinnattheragāthā
१७९.
179.
‘‘उपासिता सप्पुरिसा, सुता धम्मा अभिण्हसो।
‘‘Upāsitā sappurisā, sutā dhammā abhiṇhaso;
सुत्वान पटिपज्जिस्सं, अञ्जसं अमतोगधं॥
Sutvāna paṭipajjissaṃ, añjasaṃ amatogadhaṃ.
१८०.
180.
‘‘भवरागहतस्स मे सतो, भवरागो पुन मे न विज्जति।
‘‘Bhavarāgahatassa me sato, bhavarāgo puna me na vijjati;
न चाहु न च मे भविस्सति, न च मे एतरहि विज्जती’’ति॥
Na cāhu na ca me bhavissati, na ca me etarahi vijjatī’’ti.
… कण्हदिन्नो थेरो…।
… Kaṇhadinno thero….
वग्गो ततियो निट्ठितो।
Vaggo tatiyo niṭṭhito.
तस्सुद्दानं –
Tassuddānaṃ –
उत्तरो भद्दजित्थेरो, सोभितो वल्लियो इसि।
Uttaro bhaddajitthero, sobhito valliyo isi;
वीतसोको च यो थेरो, पुण्णमासो च नन्दको।
Vītasoko ca yo thero, puṇṇamāso ca nandako;
भरतो भारद्वाजो च, कण्हदिन्नो महामुनीति॥
Bharato bhāradvājo ca, kaṇhadinno mahāmunīti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / १०. कण्हदिन्नत्थेरगाथावण्णना • 10. Kaṇhadinnattheragāthāvaṇṇanā
