| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੪. ਕਾਣਮਾਤਾਸਿਕ੍ਖਾਪਦવਣ੍ਣਨਾ
4. Kāṇamātāsikkhāpadavaṇṇanā
ਪਹੇਣਕਤ੍ਥਾਯਾਤਿ ਪਣ੍ਣਾਕਾਰਤ੍ਥਾਯ। ਪਾਥੇਯ੍ਯਤ੍ਥਾਯਾਤਿ ਮਗ੍ਗਂ ਗਚ੍ਛਨ੍ਤਾਨਂ ਅਨ੍ਤਰਾਮਗ੍ਗਤ੍ਥਾਯ। ਸਤ੍ਤੂਤਿ ਬਦ੍ਧਸਤ੍ਤੁ, ਅਬਦ੍ਧਸਤ੍ਤੁ ਚ। ਦ੍વਤ੍ਤਿਪਤ੍ਤਪੂਰੇ ਪਟਿਗ੍ਗਹੇਤ੍વਾਤਿ ਮੁਖવਟ੍ਟਿਯਾ ਹੇਟ੍ਠਿਮਲੇਖਾਯ ਸਮਂ ਪੂਰੇ ਦ੍વਤ੍ਤਿਪਤ੍ਤਪੂਰੇ ਗਹੇਤ੍વਾਤਿ ਅਤ੍ਥੋ। ਇਮਸ੍ਸ ਚਤ੍ਥਸ੍ਸ ਹੇਟ੍ਠਾ વੁਤ੍ਤਨਯੇਨੇવ ਪਾਕਟਤ੍ਤਾ ਤਤ੍ਥ ਕਤ੍ਤਬ੍ਬਪ੍ਪਕਾਰਮੇવ ਦਸ੍ਸੇਤੁਂ ‘‘ਏਤ੍ਥਾ’’ਤਿਆਦਿਮਾਹ। ਸੇਸਨ੍ਤਿ ਤਤੋ ਏਕਪਤ੍ਤਤੋ ਅਞ੍ਞਂ ਪਤ੍ਤਂ। ਸਚੇ ਤਯੋ ਪਤ੍ਤਪੂਰਾ ਗਹਿਤਾ ਦ੍વੇ, ਸਚੇ ਦ੍વੇ ਗਹਿਤਾ, ਏਕਨ੍ਤਿ વੁਤ੍ਤਂ ਹੋਤਿ।
Paheṇakatthāyāti paṇṇākāratthāya. Pātheyyatthāyāti maggaṃ gacchantānaṃ antarāmaggatthāya. Sattūti baddhasattu, abaddhasattu ca. Dvattipattapūre paṭiggahetvāti mukhavaṭṭiyā heṭṭhimalekhāya samaṃ pūre dvattipattapūre gahetvāti attho. Imassa catthassa heṭṭhā vuttanayeneva pākaṭattā tattha kattabbappakārameva dassetuṃ ‘‘etthā’’tiādimāha. Sesanti tato ekapattato aññaṃ pattaṃ. Sace tayo pattapūrā gahitā dve, sace dve gahitā, ekanti vuttaṃ hoti.
ਗਮਨੇ વਾ ਪਟਿਪ੍ਪਸ੍ਸਦ੍ਧੇਤਿ ਅਨ੍ਤਰਾਮਗ੍ਗੇ ਉਪਦ੍ਦવਂ ਦਿਸ੍વਾ, ਅਨਤ੍ਥਿਕਤਾਯ વਾ ‘‘ਮਯਂ ਇਦਾਨਿ ਨ ਪੇਸਿਸ੍ਸਾਮ ਨ ਗਮਿਸ੍ਸਾਮਾ’’ਤਿ ਏવਂ ਗਮਨੇ ਉਪਚ੍ਛਿਨ੍ਨੇ ਦੇਨ੍ਤਾਨਨ੍ਤਿ ਅਤ੍ਥੋ।
Gamanevā paṭippassaddheti antarāmagge upaddavaṃ disvā, anatthikatāya vā ‘‘mayaṃ idāni na pesissāma na gamissāmā’’ti evaṃ gamane upacchinne dentānanti attho.
ਕਾਣਮਾਤਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Kāṇamātāsikkhāpadavaṇṇanā niṭṭhitā.
