| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૪. કાણમાતાસિક્ખાપદવણ્ણના
4. Kāṇamātāsikkhāpadavaṇṇanā
પહેણકત્થાયાતિ પણ્ણાકારત્થાય. પાથેય્યત્થાયાતિ મગ્ગં ગચ્છન્તાનં અન્તરામગ્ગત્થાય. સત્તૂતિ બદ્ધસત્તુ, અબદ્ધસત્તુ ચ. દ્વત્તિપત્તપૂરે પટિગ્ગહેત્વાતિ મુખવટ્ટિયા હેટ્ઠિમલેખાય સમં પૂરે દ્વત્તિપત્તપૂરે ગહેત્વાતિ અત્થો. ઇમસ્સ ચત્થસ્સ હેટ્ઠા વુત્તનયેનેવ પાકટત્તા તત્થ કત્તબ્બપ્પકારમેવ દસ્સેતું ‘‘એત્થા’’તિઆદિમાહ. સેસન્તિ તતો એકપત્તતો અઞ્ઞં પત્તં. સચે તયો પત્તપૂરા ગહિતા દ્વે, સચે દ્વે ગહિતા, એકન્તિ વુત્તં હોતિ.
Paheṇakatthāyāti paṇṇākāratthāya. Pātheyyatthāyāti maggaṃ gacchantānaṃ antarāmaggatthāya. Sattūti baddhasattu, abaddhasattu ca. Dvattipattapūre paṭiggahetvāti mukhavaṭṭiyā heṭṭhimalekhāya samaṃ pūre dvattipattapūre gahetvāti attho. Imassa catthassa heṭṭhā vuttanayeneva pākaṭattā tattha kattabbappakārameva dassetuṃ ‘‘etthā’’tiādimāha. Sesanti tato ekapattato aññaṃ pattaṃ. Sace tayo pattapūrā gahitā dve, sace dve gahitā, ekanti vuttaṃ hoti.
ગમને વા પટિપ્પસ્સદ્ધેતિ અન્તરામગ્ગે ઉપદ્દવં દિસ્વા, અનત્થિકતાય વા ‘‘મયં ઇદાનિ ન પેસિસ્સામ ન ગમિસ્સામા’’તિ એવં ગમને ઉપચ્છિન્ને દેન્તાનન્તિ અત્થો.
Gamanevā paṭippassaddheti antarāmagge upaddavaṃ disvā, anatthikatāya vā ‘‘mayaṃ idāni na pesissāma na gamissāmā’’ti evaṃ gamane upacchinne dentānanti attho.
કાણમાતાસિક્ખાપદવણ્ણના નિટ્ઠિતા.
Kāṇamātāsikkhāpadavaṇṇanā niṭṭhitā.
