| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੬. ਕਾਮੂਪਪਤ੍ਤਿਸੁਤ੍ਤਂ
6. Kāmūpapattisuttaṃ
੯੫. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
95. Vuttañhetaṃ bhagavatā, vuttamarahatāti me sutaṃ –
‘‘ਤਿਸ੍ਸੋ ਇਮਾ, ਭਿਕ੍ਖવੇ, ਕਾਮੂਪਪਤ੍ਤਿਯੋ 1। ਕਤਮਾ ਤਿਸ੍ਸੋ? ਪਚ੍ਚੁਪਟ੍ਠਿਤਕਾਮਾ, ਨਿਮ੍ਮਾਨਰਤਿਨੋ , ਪਰਨਿਮ੍ਮਿਤવਸવਤ੍ਤਿਨੋ – ਇਮਾ ਖੋ, ਭਿਕ੍ਖવੇ, ਤਿਸ੍ਸੋ ਕਾਮੂਪਪਤ੍ਤਿਯੋ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Tisso imā, bhikkhave, kāmūpapattiyo 2. Katamā tisso? Paccupaṭṭhitakāmā, nimmānaratino , paranimmitavasavattino – imā kho, bhikkhave, tisso kāmūpapattiyo’’ti. Etamatthaṃ bhagavā avoca. Tatthetaṃ iti vuccati –
‘‘ਪਚ੍ਚੁਪਟ੍ਠਿਤਕਾਮਾ ਚ, ਯੇ ਦੇવਾ વਸવਤ੍ਤਿਨੋ।
‘‘Paccupaṭṭhitakāmā ca, ye devā vasavattino;
ਨਿਮ੍ਮਾਨਰਤਿਨੋ ਦੇવਾ, ਯੇ ਚਞ੍ਞੇ ਕਾਮਭੋਗਿਨੋ।
Nimmānaratino devā, ye caññe kāmabhogino;
ਇਤ੍ਥਭਾવਞ੍ਞਥਾਭਾવਂ , ਸਂਸਾਰਂ ਨਾਤਿવਤ੍ਤਰੇ॥
Itthabhāvaññathābhāvaṃ , saṃsāraṃ nātivattare.
‘‘ਏਤਮਾਦੀਨવਂ ਞਤ੍વਾ, ਕਾਮਭੋਗੇਸੁ ਪਣ੍ਡਿਤੋ।
‘‘Etamādīnavaṃ ñatvā, kāmabhogesu paṇḍito;
ਸਬ੍ਬੇ ਪਰਿਚ੍ਚਜੇ ਕਾਮੇ, ਯੇ ਦਿਬ੍ਬਾ ਯੇ ਚ ਮਾਨੁਸਾ॥
Sabbe pariccaje kāme, ye dibbā ye ca mānusā.
‘‘ਪਿਯਰੂਪਸਾਤਗਧਿਤਂ , ਛੇਤ੍વਾ ਸੋਤਂ ਦੁਰਚ੍ਚਯਂ।
‘‘Piyarūpasātagadhitaṃ , chetvā sotaṃ duraccayaṃ;
ਅਸੇਸਂ ਪਰਿਨਿਬ੍ਬਨ੍ਤਿ, ਅਸੇਸਂ ਦੁਕ੍ਖਮਚ੍ਚਗੁਂ॥
Asesaṃ parinibbanti, asesaṃ dukkhamaccaguṃ.
‘‘ਅਰਿਯਦ੍ਦਸਾ વੇਦਗੁਨੋ, ਸਮ੍ਮਦਞ੍ਞਾਯ ਪਣ੍ਡਿਤਾ।
‘‘Ariyaddasā vedaguno, sammadaññāya paṇḍitā;
ਜਾਤਿਕ੍ਖਯਮਭਿਞ੍ਞਾਯ, ਨਾਗਚ੍ਛਨ੍ਤਿ ਪੁਨਬ੍ਭવ’’ਨ੍ਤਿ॥
Jātikkhayamabhiññāya, nāgacchanti punabbhava’’nti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਛਟ੍ਠਂ।
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੬. ਕਾਮੂਪਪਤ੍ਤਿਸੁਤ੍ਤવਣ੍ਣਨਾ • 6. Kāmūpapattisuttavaṇṇanā
