| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. ཀམྨསུཏྟཾ
10. Kammasuttaṃ
༢༦༣. ‘‘ཙཏཱུཧི, བྷིཀྑཝེ, དྷམྨེཧི སམནྣཱགཏོ བཱལོ ཨབྱཏྟོ ཨསཔྤུརིསོ ཁཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཝིཉྙཱུནཾ, བཧུཉྩ ཨཔུཉྙཾ པསཝཏི། ཀཏམེཧི ཙཏཱུཧི? སཱཝཛྫེན ཀཱཡཀམྨེན, སཱཝཛྫེན ཝཙཱིཀམྨེན, སཱཝཛྫེན མནོཀམྨེན, སཱཝཛྫཱཡ དིཊྛིཡཱ – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ བཱལོ ཨབྱཏྟོ ཨསཔྤུརིསོ ཁཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཝིཉྙཱུནཾ, བཧུཉྩ ཨཔུཉྙཾ པསཝཏི།
263. ‘‘Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati. Katamehi catūhi? Sāvajjena kāyakammena, sāvajjena vacīkammena, sāvajjena manokammena, sāvajjāya diṭṭhiyā – imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.
‘‘ཙཏཱུཧི, བྷིཀྑཝེ, དྷམྨེཧི སམནྣཱགཏོ པཎྜིཏོ ཝིཡཏྟོ སཔྤུརིསོ ཨཀྑཏཾ ཨནུཔཧཏཾ ཨཏྟཱནཾ པརིཧརཏི, ཨནཝཛྫོ ཙ ཧོཏི ཨནནུཝཛྫོ ཝིཉྙཱུནཾ, བཧུཉྩ པུཉྙཾ པསཝཏི། ཀཏམེཧི ཙཏཱུཧི? ཨནཝཛྫེན ཀཱཡཀམྨེན, ཨནཝཛྫེན ཝཙཱིཀམྨེན, ཨནཝཛྫེན མནོཀམྨེན, ཨནཝཛྫཱཡ དིཊྛིཡཱ – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ པཎྜིཏོ ཝིཡཏྟོ སཔྤུརིསོ ཨཀྑཏཾ ཨནུཔཧཏཾ ཨཏྟཱནཾ པརིཧརཏི, ཨནཝཛྫོ ཙ ཧོཏི ཨནནུཝཛྫོ ཝིཉྙཱུནཾ, བཧུཉྩ པུཉྙཾ པསཝཏཱི’’ཏི། དསམཾ།
‘‘Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati. Katamehi catūhi? Anavajjena kāyakammena, anavajjena vacīkammena, anavajjena manokammena, anavajjāya diṭṭhiyā – imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavatī’’ti. Dasamaṃ.
ཨབྷིཉྙཱཝགྒོ ཚཊྛོ།
Abhiññāvaggo chaṭṭho.
ཏསྶུདྡཱནཾ –
Tassuddānaṃ –
ཨབྷིཉྙཱ པརིཡེསནཱ, སངྒཧཾ མཱལུཀྱཔུཏྟོ།
Abhiññā pariyesanā, saṅgahaṃ mālukyaputto;
ཀུལཾ དྭེ ཙ ཨཱཛཱནཱིཡཱ, བལཾ ཨརཉྙཀམྨུནཱཏི༎
Kulaṃ dve ca ājānīyā, balaṃ araññakammunāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༡༠. ཀུལསུཏྟཱདིཝཎྞནཱ • 5-10. Kulasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༡༠. མཱལུཀྱཔུཏྟསུཏྟཱདིཝཎྞནཱ • 4-10. Mālukyaputtasuttādivaṇṇanā
