| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-པུརཱཎ-ཊཱིཀཱ • Kaṅkhāvitaraṇī-purāṇa-ṭīkā |
༩. ཀམྨཔྤཊིབཱཧནསིཀྑཱཔདཝཎྞནཱ
9. Kammappaṭibāhanasikkhāpadavaṇṇanā
ཨཔྤམཏྟཀཝིསྶཛྫནཀེན པན ཙཱིཝརཾ ཀརོནྟསྶ སེནཱསནཀྑནྡྷཀཝཎྞནཱཡཾ (ཙཱུལ༹ཝ॰ ༣༢༨) ཝུཏྟཔྤབྷེདཱནི སཱུཙིཨཱདཱིནི ཨནཔལོཀེཏྭཱཔི དཱཏབྦཱནི། ཏཏོ ཨཏིརེཀཾ དེནྟེན ཨཔལོཀནཀམྨཾ ཀཱཏབྦཾ། ཨེཝཾ ཀཏཾ པན ཨཔལོཀནཾ ཀམྨལཀྑཎམེཝཱཏི ཨདྷིཔྤཱཡོ། ཨེཝཾ སབྦཏྠ ཀམྨལཀྑཎཾ ཝེདིཏབྦཾ། གཱམསཱིམཱཝིཧཱརེསུ ཨོསཱརཎཱདཱིནི སངྒྷཀམྨཱནིཡེཝ ན ཝཊྚནྟི། ཝིསྶཛྫིཡཝེབྷངྒིཡཱནི པན ཝཊྚནྟི། ‘‘སངྒྷསྶ སནྟཀ’’ནྟི སཱམཉྙཏོ ཨཝཏྭཱ ‘‘ཨིམསྨིཾ ཝིཧཱརེ སངྒྷསྶ སནྟཀ’’ནྟི ཨཔལོཀེཏབྦནྟི ཙ, ‘‘སམུཊྛཱནཱདཱིནི ཨདིནྣཱདཱནསདིསཱནི, ཨིདཾ པན དུཀྑཝེདན’’ནྟི པཱཋོཏི ཙ ལིཁིཏཾ།
Appamattakavissajjanakena pana cīvaraṃ karontassa senāsanakkhandhakavaṇṇanāyaṃ (cūḷava. 328) vuttappabhedāni sūciādīni anapaloketvāpi dātabbāni. Tato atirekaṃ dentena apalokanakammaṃ kātabbaṃ. Evaṃ kataṃ pana apalokanaṃ kammalakkhaṇamevāti adhippāyo. Evaṃ sabbattha kammalakkhaṇaṃ veditabbaṃ. Gāmasīmāvihāresu osāraṇādīni saṅghakammāniyeva na vaṭṭanti. Vissajjiyavebhaṅgiyāni pana vaṭṭanti. ‘‘Saṅghassa santaka’’nti sāmaññato avatvā ‘‘imasmiṃ vihāre saṅghassa santaka’’nti apaloketabbanti ca, ‘‘samuṭṭhānādīni adinnādānasadisāni, idaṃ pana dukkhavedana’’nti pāṭhoti ca likhitaṃ.
ཀམྨཔྤཊིབཱཧནསིཀྑཱཔདཝཎྞནཱ ནིཊྛིཏཱ།
Kammappaṭibāhanasikkhāpadavaṇṇanā niṭṭhitā.
