| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
៩. កម្មប្បដិពាហនសិក្ខាបទវណ្ណនា
9. Kammappaṭibāhanasikkhāpadavaṇṇanā
អប្បមត្តកវិស្សជ្ជនកេន បន ចីវរំ ករោន្តស្ស សេនាសនក្ខន្ធកវណ្ណនាយំ (ចូឡវ. ៣២៨) វុត្តប្បភេទានិ សូចិអាទីនិ អនបលោកេត្វាបិ ទាតព្ពានិ។ តតោ អតិរេកំ ទេន្តេន អបលោកនកម្មំ កាតព្ពំ។ ឯវំ កតំ បន អបលោកនំ កម្មលក្ខណមេវាតិ អធិប្បាយោ។ ឯវំ សព្ពត្ថ កម្មលក្ខណំ វេទិតព្ពំ។ គាមសីមាវិហារេសុ ឱសារណាទីនិ សង្ឃកម្មានិយេវ ន វដ្ដន្តិ។ វិស្សជ្ជិយវេភង្គិយានិ បន វដ្ដន្តិ។ ‘‘សង្ឃស្ស សន្តក’’ន្តិ សាមញ្ញតោ អវត្វា ‘‘ឥមស្មិំ វិហារេ សង្ឃស្ស សន្តក’’ន្តិ អបលោកេតព្ពន្តិ ច, ‘‘សមុដ្ឋានាទីនិ អទិន្នាទានសទិសានិ, ឥទំ បន ទុក្ខវេទន’’ន្តិ បាឋោតិ ច លិខិតំ។
Appamattakavissajjanakena pana cīvaraṃ karontassa senāsanakkhandhakavaṇṇanāyaṃ (cūḷava. 328) vuttappabhedāni sūciādīni anapaloketvāpi dātabbāni. Tato atirekaṃ dentena apalokanakammaṃ kātabbaṃ. Evaṃ kataṃ pana apalokanaṃ kammalakkhaṇamevāti adhippāyo. Evaṃ sabbattha kammalakkhaṇaṃ veditabbaṃ. Gāmasīmāvihāresu osāraṇādīni saṅghakammāniyeva na vaṭṭanti. Vissajjiyavebhaṅgiyāni pana vaṭṭanti. ‘‘Saṅghassa santaka’’nti sāmaññato avatvā ‘‘imasmiṃ vihāre saṅghassa santaka’’nti apaloketabbanti ca, ‘‘samuṭṭhānādīni adinnādānasadisāni, idaṃ pana dukkhavedana’’nti pāṭhoti ca likhitaṃ.
កម្មប្បដិពាហនសិក្ខាបទវណ្ណនា និដ្ឋិតា។
Kammappaṭibāhanasikkhāpadavaṇṇanā niṭṭhitā.
