| Library / Tipiṭaka / ติปิฎก • Tipiṭaka / กงฺขาวิตรณี-ปุราณ-ฎีกา • Kaṅkhāvitaraṇī-purāṇa-ṭīkā |
๙. กมฺมปฺปฎิพาหนสิกฺขาปทวณฺณนา
9. Kammappaṭibāhanasikkhāpadavaṇṇanā
อปฺปมตฺตกวิสฺสชฺชนเกน ปน จีวรํ กโรนฺตสฺส เสนาสนกฺขนฺธกวณฺณนายํ (จูฬว. ๓๒๘) วุตฺตปฺปเภทานิ สูจิอาทีนิ อนปโลเกตฺวาปิ ทาตพฺพานิฯ ตโต อติเรกํ เทเนฺตน อปโลกนกมฺมํ กาตพฺพํฯ เอวํ กตํ ปน อปโลกนํ กมฺมลกฺขณเมวาติ อธิปฺปาโยฯ เอวํ สพฺพตฺถ กมฺมลกฺขณํ เวทิตพฺพํฯ คามสีมาวิหาเรสุ โอสารณาทีนิ สงฺฆกมฺมานิเยว น วฎฺฎนฺติฯ วิสฺสชฺชิยเวภงฺคิยานิ ปน วฎฺฎนฺติฯ ‘‘สงฺฆสฺส สนฺตก’’นฺติ สามญฺญโต อวตฺวา ‘‘อิมสฺมิํ วิหาเร สงฺฆสฺส สนฺตก’’นฺติ อปโลเกตพฺพนฺติ จ, ‘‘สมุฎฺฐานาทีนิ อทินฺนาทานสทิสานิ, อิทํ ปน ทุกฺขเวทน’’นฺติ ปาโฐติ จ ลิขิตํฯ
Appamattakavissajjanakena pana cīvaraṃ karontassa senāsanakkhandhakavaṇṇanāyaṃ (cūḷava. 328) vuttappabhedāni sūciādīni anapaloketvāpi dātabbāni. Tato atirekaṃ dentena apalokanakammaṃ kātabbaṃ. Evaṃ kataṃ pana apalokanaṃ kammalakkhaṇamevāti adhippāyo. Evaṃ sabbattha kammalakkhaṇaṃ veditabbaṃ. Gāmasīmāvihāresu osāraṇādīni saṅghakammāniyeva na vaṭṭanti. Vissajjiyavebhaṅgiyāni pana vaṭṭanti. ‘‘Saṅghassa santaka’’nti sāmaññato avatvā ‘‘imasmiṃ vihāre saṅghassa santaka’’nti apaloketabbanti ca, ‘‘samuṭṭhānādīni adinnādānasadisāni, idaṃ pana dukkhavedana’’nti pāṭhoti ca likhitaṃ.
กมฺมปฺปฎิพาหนสิกฺขาปทวณฺณนา นิฎฺฐิตาฯ
Kammappaṭibāhanasikkhāpadavaṇṇanā niṭṭhitā.
