| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৯. কম্মপ্পটিবাহনসিক্খাপদৰণ্ণনা
9. Kammappaṭibāhanasikkhāpadavaṇṇanā
অপ্পমত্তকৰিস্সজ্জনকেন পন চীৰরং করোন্তস্স সেনাসনক্খন্ধকৰণ্ণনাযং (চূল়ৰ॰ ৩২৮) ৰুত্তপ্পভেদানি সূচিআদীনি অনপলোকেত্ৰাপি দাতব্বানি। ততো অতিরেকং দেন্তেন অপলোকনকম্মং কাতব্বং। এৰং কতং পন অপলোকনং কম্মলক্খণমেৰাতি অধিপ্পাযো। এৰং সব্বত্থ কম্মলক্খণং ৰেদিতব্বং। গামসীমাৰিহারেসু ওসারণাদীনি সঙ্ঘকম্মানিযেৰ ন ৰট্টন্তি। ৰিস্সজ্জিযৰেভঙ্গিযানি পন ৰট্টন্তি। ‘‘সঙ্ঘস্স সন্তক’’ন্তি সামঞ্ঞতো অৰত্ৰা ‘‘ইমস্মিং ৰিহারে সঙ্ঘস্স সন্তক’’ন্তি অপলোকেতব্বন্তি চ, ‘‘সমুট্ঠানাদীনি অদিন্নাদানসদিসানি, ইদং পন দুক্খৰেদন’’ন্তি পাঠোতি চ লিখিতং।
Appamattakavissajjanakena pana cīvaraṃ karontassa senāsanakkhandhakavaṇṇanāyaṃ (cūḷava. 328) vuttappabhedāni sūciādīni anapaloketvāpi dātabbāni. Tato atirekaṃ dentena apalokanakammaṃ kātabbaṃ. Evaṃ kataṃ pana apalokanaṃ kammalakkhaṇamevāti adhippāyo. Evaṃ sabbattha kammalakkhaṇaṃ veditabbaṃ. Gāmasīmāvihāresu osāraṇādīni saṅghakammāniyeva na vaṭṭanti. Vissajjiyavebhaṅgiyāni pana vaṭṭanti. ‘‘Saṅghassa santaka’’nti sāmaññato avatvā ‘‘imasmiṃ vihāre saṅghassa santaka’’nti apaloketabbanti ca, ‘‘samuṭṭhānādīni adinnādānasadisāni, idaṃ pana dukkhavedana’’nti pāṭhoti ca likhitaṃ.
কম্মপ্পটিবাহনসিক্খাপদৰণ্ণনা নিট্ঠিতা।
Kammappaṭibāhanasikkhāpadavaṇṇanā niṭṭhitā.
