| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៩. កម្មបដិពាហនសិក្ខាបទវណ្ណនា
9. Kammapaṭibāhanasikkhāpadavaṇṇanā
៤៧៤. ‘‘ធម្មិកានំ កម្មាន’’ន្តិ (បាចិ. ៤៧៥) វចនតោ ឯកច្ចេ ភិក្ខូ ធម្មិកានំ កម្មានំ ‘‘ឆន្ទំ ទម្មី’’តិ ឆន្ទំ ទេន្តិ, តំ តេសំ មតិមត្តមេវ, ន បដិបត្តិ។ អធម្មំ និស្សាយ ខិយ្យតិ, តំ វា ឧក្កោដេតិ, អនាបត្តិ នេវ ហោតីតិ? ន, តថា ឆន្ទទានកាលេ អកត្វា បច្ឆា អធម្មកម្មខិយ្យនាទិបច្ចយា អនាបត្តិវារេ វុត្តត្តា។ អធម្មេន វា វគ្គេន វា ន កម្មារហស្ស វា កម្មករណបច្ចយា អាបត្តិមោក្ខករណតោ អវិសេសមេវ តថាវចនន្តិ ចេ? ន, ឆន្ទទានកាលេ អធម្មកម្មករណានុមតិយា អភាវតោ, ការកស្សេវ វជ្ជប្បសង្គតោ ច។ គណស្ស ទុក្កដន្តិ ចេ? បារិសុទ្ធិឆន្ទទាយកាវ តេ, ន គណោ អកម្មប្បត្តត្តា, បរិវារេបិ (បរិ. ៤៨២ អាទយោ) កម្មវគ្គេ កម្មប្បត្តឆន្ទទាយកា វិសុំ វុត្តា។ តថាបិ អធម្មកម្មស្ស ឆន្ទោ ន ទាតព្ពោ ទេន្តេ អកប្បិយានុមតិទុក្កដតោ។ តត្ថ ហិ យោជនទុក្កដតោ ន មុច្ចន្តីតិ នោ តក្កោតិ អាចរិយោ។
474. ‘‘Dhammikānaṃ kammāna’’nti (pāci. 475) vacanato ekacce bhikkhū dhammikānaṃ kammānaṃ ‘‘chandaṃ dammī’’ti chandaṃ denti, taṃ tesaṃ matimattameva, na paṭipatti. Adhammaṃ nissāya khiyyati, taṃ vā ukkoṭeti, anāpatti neva hotīti? Na, tathā chandadānakāle akatvā pacchā adhammakammakhiyyanādipaccayā anāpattivāre vuttattā. Adhammena vā vaggena vā na kammārahassa vā kammakaraṇapaccayā āpattimokkhakaraṇato avisesameva tathāvacananti ce? Na, chandadānakāle adhammakammakaraṇānumatiyā abhāvato, kārakasseva vajjappasaṅgato ca. Gaṇassa dukkaṭanti ce? Pārisuddhichandadāyakāva te, na gaṇo akammappattattā, parivārepi (pari. 482 ādayo) kammavagge kammappattachandadāyakā visuṃ vuttā. Tathāpi adhammakammassa chando na dātabbo dente akappiyānumatidukkaṭato. Tattha hi yojanadukkaṭato na muccantīti no takkoti ācariyo.
កម្មបដិពាហនសិក្ខាបទវណ្ណនា និដ្ឋិតា។
Kammapaṭibāhanasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៨. សហធម្មិកវគ្គោ • 8. Sahadhammikavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៩. កម្មបដិពាហនសិក្ខាបទវណ្ណនា • 9. Kammapaṭibāhanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៩. កម្មបដិពាហនសិក្ខាបទវណ្ណនា • 9. Kammapaṭibāhanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៩. ខិយ្យនសិក្ខាបទវណ្ណនា • 9. Khiyyanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៩. កម្មបដិពាហនសិក្ខាបទំ • 9. Kammapaṭibāhanasikkhāpadaṃ
