| Library / Tipiṭaka / తిపిటక • Tipiṭaka / పఞ్చపకరణ-మూలటీకా • Pañcapakaraṇa-mūlaṭīkā |
౧౩. కమ్మపచ్చయనిద్దేసవణ్ణనా
13. Kammapaccayaniddesavaṇṇanā
౧౩. చేతనాసమ్పయుత్తకమ్మం అభిజ్ఝాది కమ్మపచ్చయో న హోతీతి ‘‘చేతనాకమ్మమేవా’’తి ఆహ. సతిపి హి విపాకధమ్మధమ్మత్తే న చేతనావజ్జా ఏవంసభావాతి. అత్తనో ఫలం ఉప్పాదేతుం సమత్థేనాతి కమ్మస్స సమత్థతా తస్స కమ్మపచ్చయభావో వుత్తాతి దట్ఠబ్బా.
13. Cetanāsampayuttakammaṃ abhijjhādi kammapaccayo na hotīti ‘‘cetanākammamevā’’ti āha. Satipi hi vipākadhammadhammatte na cetanāvajjā evaṃsabhāvāti. Attano phalaṃ uppādetuṃ samatthenāti kammassa samatthatā tassa kammapaccayabhāvo vuttāti daṭṭhabbā.
పఞ్చవోకారేయేవ, న అఞ్ఞత్థాతి ఏతేన కామావచరచేతనా ఏకవోకారే రూపమ్పి న జనేతీతి దస్సేతి.
Pañcavokāreyeva, na aññatthāti etena kāmāvacaracetanā ekavokāre rūpampi na janetīti dasseti.
కమ్మపచ్చయనిద్దేసవణ్ణనా నిట్ఠితా.
Kammapaccayaniddesavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / పట్ఠానపాళి • Paṭṭhānapāḷi / (౨) పచ్చయనిద్దేసో • (2) Paccayaniddeso
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౧౩. కమ్మపచ్చయనిద్దేసవణ్ణనా • 13. Kammapaccayaniddesavaṇṇanā
