| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౧౫. నవపురాణవగ్గో
15. Navapurāṇavaggo
౧. కమ్మనిరోధసుత్తవణ్ణనా
1. Kammanirodhasuttavaṇṇanā
౧౪౬. నవపురాణవగ్గస్స పఠమే నవపురాణానీతి నవాని చ పురాణాని చ. చక్ఖు, భిక్ఖవే, పురాణకమ్మన్తి న చక్ఖు పురాణం, కమ్మమేవ పురాణం, కమ్మతో పన నిబ్బత్తత్తా పచ్చయనామేన ఏవం వుత్తం. అభిసఙ్ఖతన్తి పచ్చయేహి అభిసమాగన్త్వా కతం. అభిసఞ్చేతయితన్తి చేతనాయ పకప్పితం. వేదనియం దట్ఠబ్బన్తి వేదనాయ వత్థూతి పస్సితబ్బం. నిరోధా విముత్తిం ఫుసతీతి ఇమస్స తివిధస్స కమ్మస్స నిరోధేన విముత్తిం ఫుసతి. అయం వుచ్చతీతి అయం తస్సా విముత్తియా ఆరమ్మణభూతో నిరోధో కమ్మనిరోధోతి వుచ్చతి. ఇతి ఇమస్మిం సుత్తే పుబ్బభాగవిపస్సనా కథితా.
146. Navapurāṇavaggassa paṭhame navapurāṇānīti navāni ca purāṇāni ca. Cakkhu, bhikkhave, purāṇakammanti na cakkhu purāṇaṃ, kammameva purāṇaṃ, kammato pana nibbattattā paccayanāmena evaṃ vuttaṃ. Abhisaṅkhatanti paccayehi abhisamāgantvā kataṃ. Abhisañcetayitanti cetanāya pakappitaṃ. Vedaniyaṃ daṭṭhabbanti vedanāya vatthūti passitabbaṃ. Nirodhā vimuttiṃ phusatīti imassa tividhassa kammassa nirodhena vimuttiṃ phusati. Ayaṃ vuccatīti ayaṃ tassā vimuttiyā ārammaṇabhūto nirodho kammanirodhoti vuccati. Iti imasmiṃ sutte pubbabhāgavipassanā kathitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. కమ్మనిరోధసుత్తం • 1. Kammanirodhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. కమ్మనిరోధసుత్తవణ్ణనా • 1. Kammanirodhasuttavaṇṇanā
