| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๘. กมฺมกถาวณฺณนา
8. Kammakathāvaṇṇanā
๘๘๙-๘๙๑. อิทานิ กมฺมกถา นาม โหติฯ ตตฺถ ‘‘ยสฺมา ทิฎฺฐธมฺมเวทนียาทีนิ ทิฎฺฐธมฺมเวทนียฎฺฐาทีหิ นิยตานิ, ตสฺมา สเพฺพ กมฺมา นิยตา’’ติ เยสํ ลทฺธิ, เสยฺยถาปิ เตสเญฺญว; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ ทิฎฺฐธมฺมเวทนียเฎฺฐน นิยตนฺติ เอตฺถ ทิฎฺฐธมฺมเวทนียํ ทิฎฺฐธมฺมเวทนียฎฺฐเมวฯ สเจ ทิเฎฺฐว ธเมฺม วิปากํ ทาตุํ สโกฺกติ เทติ, โน เจ อโหสิกมฺมํ นาม โหตีติ อิมมตฺถํ สนฺธาย ปฎิญฺญา สกวาทิสฺสฯ มิจฺฉตฺตสมฺมตฺตนิยามวเสน ปเนตํ อนิยตเมวาติ สพฺพํ เหฎฺฐา วุตฺตนเยเนว เวทิตพฺพนฺติฯ
889-891. Idāni kammakathā nāma hoti. Tattha ‘‘yasmā diṭṭhadhammavedanīyādīni diṭṭhadhammavedanīyaṭṭhādīhi niyatāni, tasmā sabbe kammā niyatā’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Diṭṭhadhammavedanīyaṭṭhena niyatanti ettha diṭṭhadhammavedanīyaṃ diṭṭhadhammavedanīyaṭṭhameva. Sace diṭṭheva dhamme vipākaṃ dātuṃ sakkoti deti, no ce ahosikammaṃ nāma hotīti imamatthaṃ sandhāya paṭiññā sakavādissa. Micchattasammattaniyāmavasena panetaṃ aniyatamevāti sabbaṃ heṭṭhā vuttanayeneva veditabbanti.
กมฺมกถาวณฺณนาฯ
Kammakathāvaṇṇanā.
เอกวีสติโม วโคฺคฯ
Ekavīsatimo vaggo.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๒๐๗) ๘. กมฺมกถา • (207) 8. Kammakathā
