| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
११. कम्महेतुकथावण्णना
11. Kammahetukathāvaṇṇanā
५४६. इदानि कम्महेतुकथा नाम होति। तत्थ येन अरहता पुरिमभवे अरहा अब्भाचिक्खितपुब्बो, सो तस्स कम्मस्स हेतु अरहत्ता परिहायतीति येसं लद्धि, सेय्यथापि पुब्बसेलियानञ्चेव सम्मितियानञ्च; ते सन्धाय कम्महेतूति पुच्छा सकवादिस्स, पटिञ्ञा इतरस्स। सेसं परिहानिकथायं वुत्तनयमेव ।
546. Idāni kammahetukathā nāma hoti. Tattha yena arahatā purimabhave arahā abbhācikkhitapubbo, so tassa kammassa hetu arahattā parihāyatīti yesaṃ laddhi, seyyathāpi pubbaseliyānañceva sammitiyānañca; te sandhāya kammahetūti pucchā sakavādissa, paṭiññā itarassa. Sesaṃ parihānikathāyaṃ vuttanayameva .
हन्द हि अरहन्तानं अब्भाचिक्खतीति इदं यस्स कम्मस्स हेतु परिहायति, तं सम्पटिच्छापेतुं वदति। अथ नं सकवादी तं पक्खं पटिजानापेत्वा ‘‘यदि एवं येहि अरहन्तो न अब्भाचिक्खितपुब्बा, ते सब्बे अरहत्तं पापुणेय्यु’’न्ति चोदेतुं ये केचीतिआदिमाह। इतरो तस्स कम्मस्स अरहत्तं सम्पापुणने नियामं अपस्सन्तो पटिक्खिपति।
Handa hi arahantānaṃ abbhācikkhatīti idaṃ yassa kammassa hetu parihāyati, taṃ sampaṭicchāpetuṃ vadati. Atha naṃ sakavādī taṃ pakkhaṃ paṭijānāpetvā ‘‘yadi evaṃ yehi arahanto na abbhācikkhitapubbā, te sabbe arahattaṃ pāpuṇeyyu’’nti codetuṃ ye kecītiādimāha. Itaro tassa kammassa arahattaṃ sampāpuṇane niyāmaṃ apassanto paṭikkhipati.
कम्महेतुकथावण्णना।
Kammahetukathāvaṇṇanā.
अट्ठमो वग्गो।
Aṭṭhamo vaggo.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (८३) ११. कम्महेतुकथा • (83) 11. Kammahetukathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ११. कम्महेतुकथावण्णना • 11. Kammahetukathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ११. कम्महेतुकथावण्णना • 11. Kammahetukathāvaṇṇanā
