| Library / Tipiṭaka / තිපිටක • Tipiṭaka / කථාවත්ථුපාළි • Kathāvatthupāḷi |
8. අට්ඨමවග්ගො
8. Aṭṭhamavaggo
(83) 11. කම්මහෙතුකථා
(83) 11. Kammahetukathā
546. කම්මහෙතු අරහා අරහත්තා පරිහායතීති? ආමන්තා. කම්මහෙතු සොතාපන්නො සොතාපත්තිඵලා පරිහායතීති? න හෙවං වත්තබ්බෙ…පෙ.… කම්මහෙතු අරහා අරහත්තා පරිහායතීති? ආමන්තා. කම්මහෙතු සකදාගාමී…පෙ.… අනාගාමී අනාගාමිඵලා පරිහායතීති? න හෙවං වත්තබ්බෙ…පෙ.….
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
කම්මහෙතු සොතාපන්නො සොතාපත්තිඵලා න පරිහායතීති? ආමන්තා. කම්මහෙතු අරහා අරහත්තා න පරිහායතීති? න හෙවං වත්තබ්බෙ …පෙ.… කම්මහෙතු සකදාගාමී…පෙ.… අනාගාමී අනාගාමිඵලා න පරිහායතීති? ආමන්තා. කම්මහෙතු අරහා අරහත්තා න පරිහායතීති? න හෙවං වත්තබ්බෙ…පෙ.….
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
කම්මහෙතු අරහා අරහත්තා පරිහායතීති? ආමන්තා. පාණාතිපාතකම්මස්ස හෙතූති? න හෙවං වත්තබ්බෙ…පෙ.… අදින්නාදානකම්මස්ස හෙතු…පෙ.… කාමෙසුමිච්ඡාචාරකම්මස්ස හෙතු… මුසාවාදකම්මස්ස හෙතු… පිසුණවාචාකම්මස්ස හෙතු… ඵරුසවාචාකම්මස්ස හෙතු… සම්ඵප්පලාපකම්මස්ස හෙතු… මාතුඝාතකම්මස්ස 1 හෙතු… පිතුඝාතකම්මස්ස හෙතු… අරහන්තඝාතකම්මස්ස හෙතු… රුහිරුප්පාදකම්මස්ස හෙතු…පෙ.… සඞ්ඝභෙදකම්මස්ස හෙතූති? න හෙවං වත්තබ්බෙ…පෙ.….
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
කතමස්ස කම්මස්ස හෙතූති? හන්ද හි අරහන්තානං අබ්භාචික්ඛතීති. අරහන්තානං අබ්භාචික්ඛනකම්මස්ස හෙතු අරහා අරහත්තා පරිහායතීති? ආමන්තා. යෙ කෙචි අරහන්තානං අබ්භාචික්ඛන්ති, සබ්බෙ තෙ අරහත්තං සච්ඡිකරොන්තීති? න හෙවං වත්තබ්බෙ…පෙ.….
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
කම්මහෙතුකථා නිට්ඨිතා.
Kammahetukathā niṭṭhitā.
අට්ඨමවග්ගො.
Aṭṭhamavaggo.
තස්සුද්දානං –
Tassuddānaṃ –
ඡ ගතියො, අන්තරාභවො, පඤ්චෙව කාමගුණා කාමධාතු, පඤ්චෙව ආයතනා කාමා, රූපිනො ධම්මා රූපධාතු, අරූපිනො ධම්මා අරූපධාතු, සළායතනිකො අත්තභාවො රූපධාතුයා, අත්ථි රූපං අරූපෙසු, රූපං කම්මං, රූපං ජීවිතං, කම්මහෙතුකා පරිහායතීති.
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
අට්ඨකථා • Aṭṭhakathā / අභිධම්මපිටක (අට්ඨකථා) • Abhidhammapiṭaka (aṭṭhakathā) / පඤ්චපකරණ-අට්ඨකථා • Pañcapakaraṇa-aṭṭhakathā / 11. කම්මහෙතුකථාවණ්ණනා • 11. Kammahetukathāvaṇṇanā
ටීකා • Tīkā / අභිධම්මපිටක (ටීකා) • Abhidhammapiṭaka (ṭīkā) / පඤ්චපකරණ-මූලටීකා • Pañcapakaraṇa-mūlaṭīkā / 11. කම්මහෙතුකථාවණ්ණනා • 11. Kammahetukathāvaṇṇanā
ටීකා • Tīkā / අභිධම්මපිටක (ටීකා) • Abhidhammapiṭaka (ṭīkā) / පඤ්චපකරණ-අනුටීකා • Pañcapakaraṇa-anuṭīkā / 11. කම්මහෙතුකථාවණ්ණනා • 11. Kammahetukathāvaṇṇanā
