| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೭. ಕಾಮಯೋಗಸುತ್ತಂ
7. Kāmayogasuttaṃ
೯೬. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
96. Vuttañhetaṃ bhagavatā, vuttamarahatāti me sutaṃ –
‘‘ಕಾಮಯೋಗಯುತ್ತೋ, ಭಿಕ್ಖವೇ, ಭವಯೋಗಯುತ್ತೋ ಆಗಾಮೀ ಹೋತಿ ಆಗನ್ತಾ 1 ಇತ್ಥತ್ತಂ। ಕಾಮಯೋಗವಿಸಂಯುತ್ತೋ, ಭಿಕ್ಖವೇ, ಭವಯೋಗಯುತ್ತೋ ಅನಾಗಾಮೀ ಹೋತಿ ಅನಾಗನ್ತಾ ಇತ್ಥತ್ತಂ। ಕಾಮಯೋಗವಿಸಂಯುತ್ತೋ, ಭಿಕ್ಖವೇ, ಭವಯೋಗವಿಸಂಯುತ್ತೋ ಅರಹಾ ಹೋತಿ, ಖೀಣಾಸವೋ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Kāmayogayutto, bhikkhave, bhavayogayutto āgāmī hoti āgantā 2 itthattaṃ. Kāmayogavisaṃyutto, bhikkhave, bhavayogayutto anāgāmī hoti anāgantā itthattaṃ. Kāmayogavisaṃyutto, bhikkhave, bhavayogavisaṃyutto arahā hoti, khīṇāsavo’’ti. Etamatthaṃ bhagavā avoca. Tatthetaṃ iti vuccati –
‘‘ಕಾಮಯೋಗೇನ ಸಂಯುತ್ತಾ, ಭವಯೋಗೇನ ಚೂಭಯಂ।
‘‘Kāmayogena saṃyuttā, bhavayogena cūbhayaṃ;
ಸತ್ತಾ ಗಚ್ಛನ್ತಿ ಸಂಸಾರಂ, ಜಾತಿಮರಣಗಾಮಿನೋ॥
Sattā gacchanti saṃsāraṃ, jātimaraṇagāmino.
‘‘ಯೇ ಚ ಕಾಮೇ ಪಹನ್ತ್ವಾನ, ಅಪ್ಪತ್ತಾ ಆಸವಕ್ಖಯಂ।
‘‘Ye ca kāme pahantvāna, appattā āsavakkhayaṃ;
ಭವಯೋಗೇನ ಸಂಯುತ್ತಾ, ಅನಾಗಾಮೀತಿ ವುಚ್ಚರೇ॥
Bhavayogena saṃyuttā, anāgāmīti vuccare.
‘‘ಯೇ ಚ ಖೋ ಛಿನ್ನಸಂಸಯಾ, ಖೀಣಮಾನಪುನಬ್ಭವಾ।
‘‘Ye ca kho chinnasaṃsayā, khīṇamānapunabbhavā;
ತೇ ವೇ ಪಾರಙ್ಗತಾ ಲೋಕೇ, ಯೇ ಪತ್ತಾ ಆಸವಕ್ಖಯ’’ನ್ತಿ॥
Te ve pāraṅgatā loke, ye pattā āsavakkhaya’’nti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ಸತ್ತಮಂ।
Ayampi attho vutto bhagavatā, iti me sutanti. Sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೭. ಕಾಮಯೋಗಸುತ್ತವಣ್ಣನಾ • 7. Kāmayogasuttavaṇṇanā
