| Library / Tipiṭaka / တိပိဋက • Tipiṭaka / ဣတိဝုတ္တကပာဠိ • Itivuttakapāḷi |
၇. ကာမယောဂသုတ္တံ
7. Kāmayogasuttaṃ
၉၆. ဝုတ္တဉ္ဟေတံ ဘဂဝတာ, ဝုတ္တမရဟတာတိ မေ သုတံ –
96. Vuttañhetaṃ bhagavatā, vuttamarahatāti me sutaṃ –
‘‘ကာမယောဂယုတ္တော, ဘိက္ခဝေ, ဘဝယောဂယုတ္တော အာဂာမီ ဟောတိ အာဂန္တာ 1 ဣတ္ထတ္တံ။ ကာမယောဂဝိသံယုတ္တော, ဘိက္ခဝေ, ဘဝယောဂယုတ္တော အနာဂာမီ ဟောတိ အနာဂန္တာ ဣတ္ထတ္တံ။ ကာမယောဂဝိသံယုတ္တော, ဘိက္ခဝေ, ဘဝယောဂဝိသံယုတ္တော အရဟာ ဟောတိ, ခီဏာသဝော’’တိ။ ဧတမတ္ထံ ဘဂဝာ အဝောစ။ တတ္ထေတံ ဣတိ ဝုစ္စတိ –
‘‘Kāmayogayutto, bhikkhave, bhavayogayutto āgāmī hoti āgantā 2 itthattaṃ. Kāmayogavisaṃyutto, bhikkhave, bhavayogayutto anāgāmī hoti anāgantā itthattaṃ. Kāmayogavisaṃyutto, bhikkhave, bhavayogavisaṃyutto arahā hoti, khīṇāsavo’’ti. Etamatthaṃ bhagavā avoca. Tatthetaṃ iti vuccati –
‘‘ကာမယောဂေန သံယုတ္တာ၊ ဘဝယောဂေန စူဘယံ။
‘‘Kāmayogena saṃyuttā, bhavayogena cūbhayaṃ;
သတ္တာ ဂစ္ဆန္တိ သံသာရံ၊ ဇာတိမရဏဂာမိနော။
Sattā gacchanti saṃsāraṃ, jātimaraṇagāmino.
‘‘ယေ စ ကာမေ ပဟန္တ္ဝာန၊ အပ္ပတ္တာ အာသဝက္ခယံ။
‘‘Ye ca kāme pahantvāna, appattā āsavakkhayaṃ;
ဘဝယောဂေန သံယုတ္တာ၊ အနာဂာမီတိ ဝုစ္စရေ။
Bhavayogena saṃyuttā, anāgāmīti vuccare.
‘‘ယေ စ ခော ဆိန္နသံသယာ၊ ခီဏမာနပုနဗ္ဘဝာ။
‘‘Ye ca kho chinnasaṃsayā, khīṇamānapunabbhavā;
တေ ဝေ ပာရင္ဂတာ လောကေ၊ ယေ ပတ္တာ အာသဝက္ခယ’’န္တိ။
Te ve pāraṅgatā loke, ye pattā āsavakkhaya’’nti.
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ။ သတ္တမံ။
Ayampi attho vutto bhagavatā, iti me sutanti. Sattamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဣတိဝုတ္တက-အဋ္ဌကထာ • Itivuttaka-aṭṭhakathā / ၇. ကာမယောဂသုတ္တဝဏ္ဏနာ • 7. Kāmayogasuttavaṇṇanā
