| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༨. ཀཱམསུཏྟཝཎྞནཱ
8. Kāmasuttavaṇṇanā
༧༨. ‘‘ཨཏྟཀཱམོ’’ཏི པཱལི༹ཡཾ ཝུཏྟཏྟཱ ཨཱཧ ‘‘ཋཔེཏྭཱ སབྦབོདྷིསཏྟེ’’ཏི། ཏེ ཧི སབྦསོ པརཏྠཱཡ ཨེཝ པཊིཔཛྫམཱནཱ མཧཱཀཱརུཎིཀཱ པརཏྠཀཱམཱ, ཨཏྠཀཱམཱ ནཱམ ན ཧོནྟི, ཡཱ ཙ ཏེསཾ ཨཏྟཏྠཱཝཧཱ པཊིཔཏྟི, སཱཔི ཡཱཝདེཝ པརཏྠཱ ཨེཝཱཏི། ཝུཏྟཾ པོརཱཎཊྛཀཐཱཡཾ། ཡསྨཱ བོདྷིསཏྟཱ པརཧིཏཔཊིཔཏྟིཡཱ པཱརམིཡོ པཱུརེནྟཱ ཏཐཱརཱུཔཾ ཀཱརཎཾ པཏྭཱ ཨཏྟཱནཾ པརེསཾ པརིཙྩཛནྟི པཉྙཱཔཱརམིཡཱ པརིཔཱུརཎཏོ, ཏསྨཱ ཨིདྷཱཔི ‘‘སབྦབོདྷིསཏྟེ ཋཔེཏྭཱཡེཝཱཏི ཝུཏྟ’’ནྟི ཨཱཧ། ཀལྱཱཎནྟི བྷདྡཀཾ། ཝཱཙཱཡ ཨདྷིཔྤེཏཏྟཱ ཨཱཧ ‘‘སཎྷཾ མུདུཀ’’ནྟི། པཱཔིཀནྟི ལཱམཀཾ ནིཧཱིནཾ། ཏཾ པན ཕརུསཾ ཝཱཙནྟི སརཱུཔཏོ དསྶེཏི།
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
ཀཱམསུཏྟཝཎྞནཱ ནིཊྛིཏཱ།
Kāmasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. ཀཱམསུཏྟཾ • 8. Kāmasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨. ཀཱམསུཏྟཝཎྞནཱ • 8. Kāmasuttavaṇṇanā
