| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. กามสุตฺตวณฺณนา
7. Kāmasuttavaṇṇanā
๗. สตฺตเม กาเมสุ ลฬิตาติ วตฺถุกามกิเลสกาเมสุ ลฬิตา อภิรตาฯ อสิตพฺยาภงฺคินฺติ ติณลายนอสิตเญฺจว ติณวหนกาชญฺจฯ กุลปุโตฺตติ อาจารกุลปุโตฺตฯ โอหายาติ ปหายฯ อลํ วจนายาติ ยุตฺตํ วจนายฯ ลพฺภาติ สุลภา สกฺกา ลภิตุํฯ หีนา กามาติ ปญฺจนฺนํ นีจกุลานํ กามาฯ มชฺฌิมา กามาติ มชฺฌิมสตฺตานํ กามาฯ ปณีตา กามาติ ราชราชมหามตฺตานํ กามาฯ กามาเตฺวว สงฺขํ คจฺฉนฺตีติ กามนวเสน กาเมตพฺพวเสน จ กามาอิเจฺจว สงฺขํ คจฺฉนฺติฯ วุโทฺธ โหตีติ มหลฺลโก โหติฯ อลํปโญฺญติ ยุตฺตปโญฺญฯ อตฺตคุโตฺตติ อตฺตนาว คุโตฺต รกฺขิโต, อตฺตานํ วา โคเปตุํ รกฺขิตุํ สมโตฺถฯ นาลํ ปมาทายาติ น ยุโตฺต ปมชฺชิตุํฯ สทฺธาย อกตํ โหตีติ ยํ สทฺธาย กุสเลสุ ธเมฺมสุ กาตุํ ยุตฺตํ, ตํ น กตํ โหติฯ เสสปเทสุปิ เอเสว นโยฯ อนเปโกฺข ทานาหํ, ภิกฺขเว, ตสฺมิํ ภิกฺขุสฺมิํ โหมีติ เอวํ สทฺธาทีหิ กาตพฺพํ กตฺวาว โสตาปตฺติผเล ปติฎฺฐิเต ตสฺมิํ ปุคฺคเล อนเปโกฺข โหมีติ ทเสฺสติฯ อิมสฺมิํ สุเตฺต โสตาปตฺติมโคฺค กถิโตฯ
7. Sattame kāmesu laḷitāti vatthukāmakilesakāmesu laḷitā abhiratā. Asitabyābhaṅginti tiṇalāyanaasitañceva tiṇavahanakājañca. Kulaputtoti ācārakulaputto. Ohāyāti pahāya. Alaṃvacanāyāti yuttaṃ vacanāya. Labbhāti sulabhā sakkā labhituṃ. Hīnā kāmāti pañcannaṃ nīcakulānaṃ kāmā. Majjhimā kāmāti majjhimasattānaṃ kāmā. Paṇītā kāmāti rājarājamahāmattānaṃ kāmā. Kāmātveva saṅkhaṃ gacchantīti kāmanavasena kāmetabbavasena ca kāmāicceva saṅkhaṃ gacchanti. Vuddho hotīti mahallako hoti. Alaṃpaññoti yuttapañño. Attaguttoti attanāva gutto rakkhito, attānaṃ vā gopetuṃ rakkhituṃ samattho. Nālaṃ pamādāyāti na yutto pamajjituṃ. Saddhāya akataṃ hotīti yaṃ saddhāya kusalesu dhammesu kātuṃ yuttaṃ, taṃ na kataṃ hoti. Sesapadesupi eseva nayo. Anapekkho dānāhaṃ, bhikkhave, tasmiṃ bhikkhusmiṃ homīti evaṃ saddhādīhi kātabbaṃ katvāva sotāpattiphale patiṭṭhite tasmiṃ puggale anapekkho homīti dasseti. Imasmiṃ sutte sotāpattimaggo kathito.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. กามสุตฺตํ • 7. Kāmasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. มหาสุปินสุตฺตวณฺณนา • 6. Mahāsupinasuttavaṇṇanā
